Нэдиэлэтээҕи гороскоп: алтынньы 10-17 күннэрэ

Сулустар тугу сипсийэллэр?

Хой

Бу нэдиэлэ устата үгүс сонуну истиэҥ. Ол эрээри, истибиккин барытын итэҕэйимэ. Дьону кытта сыһыаҥҥа арыый туттуна соҕус сырыт. Ис санааҕын, былааҥҥын кэпсииртэн туттун.

Оҕус

Сынньаныаххын наада. Аһара элбэх эбээһинэһи сүгэҕин. Дьиэ кэргэниҥ эн болҕомтоҕор наадыйар. Бу күннэргэ тиэхиньикэҕэ сыһыаннаах буоллаххына, табыллыы күүтэр.

Игирэлэр

Бу күннэргэ аһаҕас кэпсэтииттэн туттунар наада. Соһуччу быһыы-майгы буолуон сөп. Харчыга сыһыаннаах дьыалаҕа болҕомтолоох буол.

Араак

Үп-харчы эбиллииһик. Санаа ымыыта оҥостубут малгын атыылаһан санааҥ көнньүөрүө. Тус олоххор эриэ-дэхси. Нэдиэлэ ортотуттан ааҕан-суоттаан дьаһанарыҥ наада.

Хахай

Дьону кытта сыһыаҥҥа болҕомтолоох буол. Эйиэхэ дьон эрэнэр. Ону түһэн биэрбэт гына сырыт. Ардыгар эппиэтинэһэ суохтук сыһыаннаһыыгыттан сылтаан дьон эйиэхэ сыһыанын уларытыа.

Кыыс

Харчыгын мээнэ ыскайдаама. Күүппэтэх өттүгүттэн ороскуот үөскүөн сөп. Нэдиэлэ ортотуттан балаһыанньа көнүөҕэ. Саҥа өрөмүөн, мал-сал атыылаһыы бу нэдиэлэҕэ тоҕоостоох.

Ыйааһын

Эбии дохуот булунар быыс-хайаҕас көстүө. Сып-сап хамсанан ис. Ол эрээри, тугу барытын сыта-тура толкуйдаан баран быһаарыныы ылынар наада.

Скорпион

Таһаарыылаах үлэ, үөрүүлээх сонун күүтэр. Нэдиэлэ ортото истиҥ көрсүһүү дууһаҕын долгутуо. Битэмииннээх аһылыгынан үлүһүйүөҥ, доруобуйаҕар болҕомто ууруоҥ.

Охчут

Харчыгын харыстаан тутун. Саҥа этиилэри сыта-тура толкуйдаан ылын. Ардыгар олус кыраттан санааҥ түһэр, ол эрээри, итини өр тутума, барыта түргэнник ааһар.

Чубуку

Дьону кытта уопсай тылы буларга дьулус. Уопсастыбаннай миэстэҕэ сылдьан, дьону кытта алтыһыаххын, билсиэххин сөп. Дьон эйиэхэ эрэлин, аһаҕас буолуутун кэтэх санаата суох ылына үөрэн.

Күрүлгэн

Кыра кыһалҕаны таһаҕас оҥостума. Түргэнник быһаарыныы ылынаргар, олоххор тугу эрэ уларытаргар тоҕоостоох нэдиэлэ үүммүт. Бэйэ дьыалатын арыныыҥ ситиһиилээх буолуо.

Балыктар

Мындыр толкуйгун, холку майгыгын дьон сыаналыыр. Онон эн сүбэҥ-амаҥ үгүс дьоҥҥо туһалыан сөп. Кыра аайы ыгыллан настырыанньаҕын алдьатыма, туох барыта киһи санаатыттан турарын өйдүөҥ.