Нэдиэлэтээҕи гороскоп: Алтынньы 24 – алтынньы 31 күннэрэ

Хой

Хой бэлиэлээхтэргэ тус дьоҕуру сайыннарыыга табыгастаах нэдиэлэ үүммүт. Барыы-кэлии, соһуччу көрсүһүү, билсиһии күүтэр. Бу барыта эн дьылҕаҕар үчүгэй дьайыылаах буолуоҕа. Оптуорунньукка үлэҕэр уонна дьиэ кэргэҥҥэр иирсээн тахсыан сөп. Онон сэрэхтээх буол. Сэрэдэҕэ уонна бээтинсэҕэ ороскуоккун кыччата сатаа.

Оҕус

Сулустар бу нэдиэлэҕэ кимиэхэ да иэс биэрбэти, тугу да эрэннэрбэти сүбэлииллэр. Бэнидиэнньиккэ мөккүөр, куһаҕан быһыы-майгы тахсыан сөп. Ол эрээри барыта этэҥҥэ буолуо. Өрөбүлгэ үчүгэй сонуну истиэҥ эбэтэр соһуччу харчыланыаҥ. Сынньалаҥҥын чугас дьоҥҥун, таптыыр киһигин кытта атаар.

Игирэлэр

Игирэлэр айанныылларыгар, саҥа иэйиилэри олоххо киллэрэллэригэр бэртээхэй күннэр үүммүттэр. Өскөтүн ыраах айаҥҥа барбатаххына, саатар пааркаҕа баран сынньалаҥҥын атаар. Айылҕаны кытта алтыһан, санааҕын-онооҕун сааһылаа. Чэппиэргэ баҕа санааҥ туолуон сөп.

Араак

Араак бэлиэлээхтэри кэлии-барыы, сүүрүү-көтүү, улахан ситиһиилэр күүтэллэр. Барыта санаабытыҥ курдук буолуо. Успуордунан дьарыктанарга тоҕоостоох кэм. Өрөбүл күннэргэ билбэт дьоҥҥун кытта мөккүөргэ кииримэ.

Хахай

Бу нэдиэлэҕэ соһуччу ханна эрэ айанныаххын, командировкаҕа барыаххын сөп. Нэдиэлэ бастакы аҥаарыгар наадалаах дьону кытта билсиһии, көрсүһүү инники олоххор туһаны эрэ аҕалыаҕа. Субуотаҕа үп-харчы өттүгэр ыктарыаххын сөп, ол гынан баран үөскээбит быһыыттан-майгыттан холкутук тахсыаҕыҥ.

Кыыс

Нэдиэлэ бастакы аҥаара кыыс бэлиэлээхтэргэ уустук буолуон сөп. Күүһү-күдэҕи мунньунар сыалтан үчүгэйдик сынньан. Нэдиэлэ иккис аҥаарыгар эбии үп-харчы киириэн сөп. Сулустар куһаҕан дьаллыктан аккаастанары сүбэлииллэр, оччотугар ситиһиилээх буолуоҥ дииллэр.

Ыйааһын

Бу нэдиэлэ табыллыылаах, ситиһиилээх буолуоҕа. Саҥа бырайыактары эрэллээхтик саҕалаа. Ол гынан баран, харчыта суох хаалбат туһуттан ороскуоккун ааҕын. Бээтинсэҕэ киирэр этиилэргэ болҕомтолоох буол уонна ордук барыстаах диэбиккэр сөбүлэс.

Скорпион

Бу күннэргэ скорпион бэлиэлээхтэри ордук болҕомтолоох буоларга сүбэлииллэр. Эбии дохуоттанарга табыстаах кэм үүммүт. Өрөбүл күннэргэ айылҕаҕа тахсан сынньан.

Охчут

Холку нэдиэлэ үүммүт. Нэдиэлэ бастакы аҥаарыгар ситиһии күүтэр, урукку дьыалаҥ табыллыаҕа. Нэдиэлэ бүтүүтэ туох эрэ сыаналаах малы-салы атыылаһыаххын сөп. Чэппиэргэ массыынаҕа, суолга ордук сэрэхтээх буол. Бээтинсэҕин чугас дьоҥҥун кытары атаар.

Чубуку

Олоххор тугу эмит уларытыаххын баҕараҕын, ол гынан баран, куттанаҕын. Ис санааҕын иһит. Бээтинсэҕэ харчыга ордук табыллыаҥ. Билигин үп-харчы мунньунарга саамай тоҕоостоох кэм.

Күрүлгэн

Хорсун идиэйэлэри олоххо киллэрэргэ табыгастаах нэдиэлэ. Ол эрээри, кимиэхэ да эрэнимэ, бэйэҕэр эрэ итэҕэй. Нэдиэлэ бастакы аҥаарыгар эбии дохуот буларга кыах бэриллиэҕэ.

Балыктар

Балыктар бу нэдиэлэҕэ сэрэхтээх буоларгыт ирдэнэр. Элбэхтик үлэлииртэн куттаныма — бу инникитин үтүө эрэ өрүттээх буолуоҕа. Чэппиэргэ мөккүөрдээх быһыы-майгы буолуон сөп. Бээтинсэҕэ уонна субуотаҕа успуордунан дьарыктан, айылҕаҕа сырыт.