Нэдиэлэтээҕи гороскоп (алтынньы 3-10 күннэрэ)

Хой

Түбүктээх нэдиэлэ үүммүт. Бары дьыалаҕын кэмигэр бүтэрэ сатаа. Тугу да уустугурдума, уһатыма-кэҥэтимэ.

Оҕус

Чугас киһигин кытта тыл-тылга киирсибэккэ санааҥ түһүө. Аҥаардас бэйэҥ эрэ санааҕынан салайтарбакка, чугас киһиҥ санаатын эмиэ истэр наада.

Игирэлэр

Тус олоххор уустук кэм бүрүүкээбит. Кэргэннии дьон барытын сүбэнэн оҥороргут наада. Оҕолорго сыһыаннаах дьыаланы сыта-тура толкуйдаан быһаарынар ордук.

Араак

Дьиэҕэ-уокка сыһыаннаах дьыалаҕа болҕомтолоох буол. Кирэдьииккэ киирэртэн туттун. Ис санааҕын дьоҥҥо аһаҕастык кэпсииртэн туттунар наада.

Хахай

Барыы-кэлии, сүпсүлгэн күүтэр. Кыраттан да тымтан барар майгыгын бу күннэргэ туттуна сырыт. Чугас киһигин кытта сыһыаны харыстаа.

Кыыс

Харчыга сыһыаннаах дьыалаҕа эппиэтинэстээх буол, мээнэ ыскайданыма. Наадалаах диэбит малгын-салгын сыта-тура толкуйдаан баран атыылас.

Ыйааһын

Тус олоххор үтүө өттүнэн уларыйыылар күүтэллэр. Чугас киһигин кытта өйдөһөҕүн. Харчыга сыһыаннаах дьыалаҕа болҕомтолоох буол.

Скорпион

Доҕордуу сыһыаны харыстыыр наада. Бу күннэргэ бэйэҕин туттуна сырыт. Билбэт дьоҥҥор ону-маны ыһа-тоҕо кэпсиир наадата суох.

Охчут

Тус олоххор дьол тосхойуон сөп. Наадалаах көрсүһүүнү мүлчү тутума. Бу күннэргэ биир санаалаах киһигин кытта көрсөн санааҕын үллэстиэҥ, онтон санааҥ үөрүө.

Чубуку

Быһаарыныы ылынарга тоҕоостоох кэм. Ыраах айаҥҥа турунуоххун сөп. Дьыалабыай кэпсэтии ситиһиилээх буолуо. Чугас киһигин кытта аһаҕас кэпсэтии күүтэр.

Күрүлгэн

Туругуран туран үлэлиир сэниэлээххин, ол эрээри сүрэххин, ньиэрбэҕин харыстыаххын наада. Наһаа кыраны үлүннэримэ, ордук хоһу саҥарыма.

Балыктар

Үлэҕэр-хамнаскар уустук кэмнэр бүрүүкээбиттэр. Ол эрээри бу сотору кэминэн ааһыаҕа. Саамай сүрүнэ, дьону кытта хобу-сиби кэпсэтимэ.