Нэдиэлэтээҕи гороскоп: атырдьах ыйын 1-8 күннэрэ

Сулустар тугу сипсийэллэр? Эйигин туох күүтэрий?

ХОЙ

Эниэргийэҥ муҥутуур чыпчаалга тиийэн сылдьар. Онон кэлэр нэдиэлэҕэ, төһө кыалларынан, саҥа идиэйэлэри толкуйдаан олоххо киллэрэ сатааҥ. Ол эрээри, аһара элбэҕи толкуйдууртан туттунуҥ. Биир хайысхаҕа үксүн ылсан үлэлээҥ. Доруобуйаҕыт этэҥҥэ.

ОҔУС

Үбүнэн уонна дьиэ-уот дьыалаларынан дьарыктанарга бары өттүнэн тоҕоостоох күннэр үүнүүһүлэр. Ыраахтан өтөрүнэн көрсүбэтэх аймахтаргыт биллииһилэр. Онтон соһуйбакка, хайдах баарынан билсэн-көрсөн кэпсэтиҥ, ыалдьыттатыҥ.

ИГИРЭЛЭР

Кэлэр нэдиэлэҕэ дьону кытта элбэхтик алтыһыыһыккыт, ону кытта сиэттиһэ араас хабааннаах иһитиннэриилэр киирииһиктэр. Кылгас куурустарга үөрэнэргэ этии киириэн сөп. Аккаастанар наадата суох. Эмискэ бэлэх тутууһуккут.

АРААК

Дьиэ кэргэҥҥитигэр болҕомтоҕутун уураргыт ордук буолууһу. Үлэ ханна да куотуо суоҕа. Чугас дьоҥҥутун кытта айылҕаҕа тахсан сынньанарга дьулуһуҥ. Бары өттүнэн туһалаах эрэ буолуо. Ис саҥаҕытын истэ үөрэниҥ. Хантан эрэ эбии үп кэлииһи.

ХАХАЙ

Бары өттүнэн алмаас таас курдук чаҕылыҥныыргытыгар сөптөөх кэм кэлбит. Үлэҕитигэр саҥаны көҕүлээччи буолууһуккут, лиидэрдии майгыгыт уһуктууһу. Ол эрээри, үпкэ-харчыга сэрэхтээх буолуҥ диэн сулустар сүбэлииллэр-амалыыллар.

КЫЫС

Үлэҕитигэр бэрээдэктэнииһиккит эбит. Дьон туһунан ону-маны истибиккитин атын дьоҥҥо олох кэпсээмэҥ. Хата ол оннугар кинигэтэ ааҕыҥ, сайда сатааҥ. Доруобуйаҕытыгар болҕомтону уураргыт уолдьаспыт. Сотору баарын биллэрииһи.

ЫЙААҺЫН

Дьону кытта ирэ-хоро кэпсэтэ-ипсэтэ сатааҥ, элбэҕи билиэххитин сөп. Үлэҕитигэр дуоһунаскытын үрдэтиигэ этии киирииһи, адьас аккаастанымаҥ. Чугас дьоҥҥут көмө көрдүөхтэрэ, туох кыалларынан көмөлөһүҥ.

СКОРПИОН

Үп-харчы өттүгэр болҕомтолоох буоларгыт ирдэнэр. Онно-манна киирэн биэрэр куттал баар. Ыраахтан кэһии кэлииһи. Онно хайаан да хардатын ыытар ордук. Үлэҕитигэр эмиэ болҕомтолоох буоларгыт наадатын сулустар сэрэтэллэр.

ОХЧУТ

Саҥаны баһылыыргытыгар бары өттүнэн сөптөөх күн-дьыл үүнүүһү. Ол эбэтэр саҥа билиигэ-көрүүгэ талаһыыгыт үрдүүһү. Куоттарар наадата суох. Ыраах айаны былаанныырга эмиэ бэртээхэй кэм үүммүт. Саҥа идиэйэлэр киирииһилэр.

ЧУБУКУ

Үлэҕитигэр үрдээһин күүтэр. Онно сыһыаннаах этии киирииһи. Онон үлэҕитигэр улахан эппиэтинэс күүтэр. Ону тургутар аналлаах сорудахтар киириэхтэрэ. Доруобуйаҕыт этэҥҥэ, ол эрээри, болҕомто уурар наада. Саатар, сарсыарда сэрээккэлээҥ.

КҮРҮЛГЭН

Биир санаалаах дьоҥҥутун кытта ордук бодоруһа сатааҥ, ол быдан көдьүүһү аҕалыа. Бөлөҕүнэн бырайыактарга кыттыҥ, идиэйэлэргитин кытта үллэстиҥ, ол уон оччонон эргиллиэҕэ. Ол эрээри, ыал дьон дьиэ кэргэҥҥэтигэр, ордук оҕолоргутугар болҕомтоҕутун эмиэ ууруҥ.

БАЛЫКТАР

Өрө көтөҕүллүү баар буолууһу. Айар-тутар хайысхаҕа ылсыыһыккыт. Таайан көрөр дьоҕургутун туһаннаххытына, элбэх ситиһии кэлииһи. Дьон көмө көрдүүһү, хайаан да көмөлөһөргүт ордук этэ.