Нэдиэлэтээҕи гороскоп (атырдьах ыйын 3-10 күннэрэ)

Хой

Тулалыыр дьону кытта сыһыан уустугурбут. Үлэҕэр эбэтэр дьиэ кэргэҥҥэр соччото суох сонуну истиэххин сөп. Аҕам саастаах дьон көмө көрдөөтөҕүнэ, аккаастаабат ордук. Кэлин кинилэр сүбэлэрэ-амалара туһалыаҕа.

Оҕус

Айар дьоҕуруҥ сайдыбыт кэмэ. Таба тайанан ситиһиилэниэххин сөп. Ыраах айан кэтэһэр. Барыы-кэлии сүпсүлгэнэ үпкэ-харчыга барыһы киллэриэ.

Игирэлэр

Оҕуруот көрүүтэ, дьиэ ис-тас үлэтэ сэниэни эбэр. Онон салгыҥҥа сылдьа сатаа. Дьиэ кэргэҥҥин биир сомоҕо түмэр туһалаах. Доруобуйаҕар буортулаах аһылыктан туттунарыҥ ордук.

Араак

Чугас дьоҥҥор, аҕам саастаах

аймахтаргар тоҥуй сыһыаныҥ хомотор. Дьон тылыгар киирбэт гына сырыт. Тапталлааххын кытта сыһыан тыҥаабыт. Бэйэҕин туттуна сырыт.

Хахай

Үлэттэн сылайбыккын. Дьиэҕэр-уоккар холкутук сынньаныаххын баҕараҕын. Ол эрээри билигин эйиэхэ эппиэтинэстээх кэм үүммүт. Санааҕын сааһылан. Саҥа бырайыагы олоххо киллэрэргэр тоҕоостоох күннэр үүнүөхтэрэ.

Кыыс

Оҕолоргор наһаа үрдүк ирдэбили туруорума. Сайдар кэмнэригэр сайдыахтара. Билиҥҥи балаһыанньаны уларыппаккын. Үпкэ-харчыга харыстабыллаахтык сыһыаннас.

Ыйааһын

Барыах-кэлиэх санааҥ батарбат. Тууйуллубут санааҕын өйдүүр аҕыйах. Үчүгэй киинэ, истиҥ кэпсэтии кыһалҕаны быһаарар.

Скорпион

Биисинэскэ албыннатыаххын сөп. Сэрэхтээх буол. Эрэлэ суох дьону кытта дуогабар түһэрсэртэн туттун.

Охчут

Үп-харчы өттүгэр ыарахаттар үөскүөхтэрэ. Ол эрээри бу кылгас кэм сотору ааһыаҕа. Ыгылыйыма.

Чубуку

Харчыттан сылтаан чугас дьоҥҥун кытта тапсыаҥ суоҕа. Бэйэҕин туттуна, көрүнэ сырыт. Ыраах айаҥҥа турунуоххун сөп.

Күрүлгэн

Хаһаайыстыбаҕын хаҥатаргар тоҕоостоох кэм. Биисинэскэ да табыллыаҥ. Түгэни мүччү тутума. Тастан көмө кэлиэн сөп.

Балыктар

Эн тускунан дьон ырытар, кэпсэтэр эбит. Судургутук, олоҕу хайдах баарынан ылын. Бу күннэргэ доҕотторгун, аймахтаргын кытары дуоһуйа сынньаныаҥ, айылҕаҕа

дьаарбайыаҥ.