Нэдиэлэтээҕи гороскоп (атырдьах ыйын 9-16 күннэрэ)

Хой

Бу нэдиэлэ олус тэтимнээхтик ааһыаҕа. Эн көҕүлээһиннэриҥ уонна ылбыт тэтимиҥ карьераҕар ситиһии­лэнэргэр көмөлөһүөҕэ. Тус олоххор улахан боппуруостары соҕотоҕун быһаарартан куттаныма, оччоҕо бэйэҕэр эрэлиҥ күүһүрүөҕэ.

Оҕус

Үпкэ балаһыанньаҕын тупсарарга болҕомтоҕун уур. Баҕар, бу нэдиэлэҕэ дохуоккун улаатыннарарга саҥа ньымалары тобулуоҥ. Тус олоххор бигэ тирэхтээх уонна нус-хас олоххо дьулус, дьиэтээҕи дьыалаларгар уонна дьиэ кэргэниҥ этэҥҥэ буоларыгар бириэмэҕин анаа.

Игирэлэр

Эн атын дьону кытары уопсай тылы түргэнник булар уонна аһаҕас майгыҥ инникитин эйиэхэ туһалыан сөптөөх саҥа хантаактар үөскүүллэригэр көмөлөһүөхтэрэ. Бииргэ үлэ­лиир киһигин кытта былааннаргытын тэҥҥэ толкуйдааҥ.

Араак

Сынньанарга, ордук эккин-сииҥҥин сынньатарга, бириэмэтэ бул. Атын киһи кыһалҕатын бэйэҕэр ылынар дьоҕуруҥ үлэҕэр ханнык баҕарар иирсээни быһаараргар көмөлөөх буолуоҕа. Тус олоххор тугу барытын дьүөрэлээн оҥорорго кыһалын уонна чугастааҕы дьоҥҥор куруук ис сүрэххиттэн көмөлөс.

Хахай

Бу нэдиэлэҕэ болҕомто киинигэр буолуоҥ, ол бастыҥ хаачыстыбаларгын көрдөрөргө саамай табыгастаах кэм. Карьераҕын оҥосторгор дьоһуннаах ситиһиилэр кэлиэхтэрин сөп. Эн киһи быһыытынан тус кэрэҕинэн уонна харизмаҕынан тулалыыр дьоҥҥор сөбүлэтиэҥ.

Кыыс

Карьера туһунан толкуйдуургар сөптөөх кэм кэлбит. Эн кыраҕа да болҕомтону уурар майгыҥ уонна тэрийэр дьоҕуруҥ үрдүктүк сыаналаныахтара. Ол эрээри, наһаа сылайбат туһугар үлэни уонна сынньалаҥы тэҥинэн дьүөрэлээ.

Ыйааһын

Уопсастыбаҕа киэҥник бил­­лиэҥ, ол саҥа билсиһиилэргэ уонна саҥа саҕахтарга сирдиэҕэ. Тус олоххор чугас дьоҥҥун кытары өйдөһөр-­өйөһөр буоллаххына, араас дьалхааннартан куотуоҥ.

Скорпион

Инники олоххор дьайыахтаах дьоһуннаах быһаарыныылары ылынар кэм тирээн кэлиэн сөп. Эн курдаттыы таайар уонна ырытар-ыраҥалыыр дьоҕуруҥ сөптөөх быһаарыныыны ыларгар көмөлөһүөҕэ. Дириҥ уонна олоххор чахчы суолталаах кэпсэтиилэргэ аһаҕас буол.

Охчут

Билиигин кэҥэтэргэр, айанныыргар эбэтэр үөрэнэргэр үчүгэй кэм кэлбит. Үлэҕэр араас кутталлаах уонна кыаллыбат дьыалаларга киирэргэ бэлэмиҥ ситиһиигэ тириэрдиэҕэ. Тус олоххор мунаарар, ааһан-араҕан биэрбэт санааларгын чугас дьоҥҥунуун үллэһин.

Чубуку

Уһун кэмҥэ суоттаммыт сыалгын-соруккун толорорго бу нэдиэлэ миэхэ сөптөөх диэн санаанан салайтарыаҥ. Эн ситиһиигэ дьулууруҥ уонна тулууруҥ түмүктээх буолуоҕа. Дьиэ кэргэҥҥэр ордук аһаҕас уонна истиҥ-иһирэх сыһыаҥҥын биллэр.

Күрүлгэн

Сонун санаалары уонна инновациялары олоххо киллэрэргэ дьулуһа аҕай сылдьаҕын. Үлэҕин уонна тус олоххун атын хараххынан көрөртөн куттаныма. Эн соһуччу быһаарыныыларыҥ ситиһиилэргэ тириэрдиэн сөп. Чугас дьоҥҥун кытары сыһыаҥҥа чиэһинэй уонна көнө сүрүннээх буолууну сыаналаа.

Балыктар

Бэйэҥ тугу баҕара саныыргар уонна нус-хас буоларгар болҕомтоҕун ууруох­хун наада. Бу нэдиэлэ эн өй-санаа өттүнэн сайдаргар уонна бэ­­йэҕин сыаналанаргар көмөлөһөр дьарыктарга табыгастаах. Эн өтө көрөр дьоҕуруҥ бэйэҥ үлэҕэр кистэнэ сылдьыбыт кыаххын арыйаргар көмөлөһүөҕэ.