Нэдиэлэтээҕи гороскоп: Балаҕан ыйын 12 – балаҕан ыйын 19 күннэрэ

ХОЙ

Бу нэдиэлэ арыый холкутук ааһыаҕа. Айар үлэнэн үлүһүйүөҥ. Улахан тэрээһиҥҥэ сылдьан сонун дьоннуун билсиэҥ. Дьиэҕэр- уоккар туох эмит саҥаны атыылаһыаххын, уларытыыны киллэриэххин баҕарыаҥ. Ити идиэйэлэри өр тута сылдьыбакка олоххо киллэрэргэ дьулус.

ОҔУС

Тиэхиньикэҕэ сыһыаннаах оҕустар бу нэдиэлэ устата массыынаҕытын оҥостуоххутун сөп. Тимир көлөҕүтүн үчүгэйдик көрүммэтэххитинэ, кэлин эбии ночоокко киириэххитин сөп. Айылҕаҕа сылдьарга соччото суох кэм, дабылыанньаҥ хамсыан сөп.

ИГИРЭЛЭР

Уустук кэм үүммүт. Үлэҕэр буолар тургутуулары этэҥҥэ аастаххына, дуоһунаһыҥ үрдүөн сөп. Аймахтарыҥ, чугас дьонуҥ өйөбүллэрэ төһүү күүс буолуоҕа. Санаабыккын олоххо киллэрэргэ дьулус.

АРААК

Ыраах айан үгүс ситиһиини аҕалыа. Саҥа билсиһиилэр, барыстаах дуогабардар харчыны кытта сыһыаннаах дьыала табыллыахтара. Биир сиргэ олордоххо, халлаантан туох да түспэт, онон сып- сап хамсанарыҥ наада.

ХАХАЙ

Саҥа бырайыактарга ылсарга бэлэм буолбуккун, дьиэ- уот кыһалҕата быһаарыллан саҥалыы күүс киирбит. Оҕолор да ситиһиилэрэ санааҕын кынаттыыр. Нэдиэлэ ортото арай илии
баттаһартан, дуогабартан туттунарыҥ наада.

КЫЫС

Хоп- сип үчүгэйгэ тиэрдибэт, онон дьону кытта ону маны аһаҕастык кэпсэппэккэ, санааҕын аһары аспакка сэрэх соҕус сылдьар наада. Дьон эйигин ытыктыыр, онон түһэн биэрбэккэ судургутук сырыттахха, үлэҕэр- хамнаскар барыта табыллыа.

ЫЙААҺЫН

Тулалыыр дьоҥҥор болҕомтолоох буол. Ордук оҕолорго, аҕам саастаахтарга уурар наада. Бириэмэҕин аттарына, сааһылана сырыттаххына, үгүһү ситиһиэҥ. Доруобуйаҥ этэҥҥэ.

СКОРПИОН

Күүрүүлээх күннэр тураллар. Үлэҕэ- хамнаска былаана суох туох да кыаллыбат курдук. Онон сааһыланан сырыттаххына, элбэҕи ситиһиэххин сөп.

ОХЧУТ

Биисинэс эйгэтигэр ситиһиилээх кэм. Саҥа толкуйуҥ ситиһиини аҕалыа. Ааҕан- суоттаан сырыттахха барыта сатаныах курдук, онон хамсанан ис. Тус олоххор эриэ- дэхси.

ЧУБУКУ

Дьону кытта сатаһарга дьулус, эн тускунан соччото суох сурах тарҕаныан сөп. Дьоҥҥо аһаҕас буоларга дьулус, үлэҕэр барыта этэҥҥэ. Ол эрээри тус олоххор тохтоон туруу көстөр. Сынньалаҥҥын уонна үлэҕин дьүөрэлии тутарга кыһан.

КҮРҮЛГЭН

Бу нэдиэлэ устата чуумпутук, бэйэ бодотун тардынан соҕус сырыт. Кирэдьиит эбэтэр харчыны кытта сыһыаннаах улахан дуогабар түһэрсии буолуон сөп. Докумуоҥҥа болҕомтолоох
буол.

БАЛЫКТАР

Үлэҥ түмүгэ бэлиэтэнэр кэмэ. Уустук кэм эрээри доҕотторуҥ көмөлөрө абырыыһык. Туохха барытыгар
судургутук сыһыаннаһан убаастабылы ылыаҥ. Дьону кытта үтүө сыһыаны олохтоо.