Нэдиэлэтээҕи гороскоп (балаҕан ыйын 19-26 күннэрэ)

Хой

Элбэҕи былаанныыгын уонна санааҥ күүһүн ситэри тиэрдибэккин. Санааҕын  ууран ылыстаххына, үтүө түмүктэри аҕалыаҕа. Ол эрээри былааҥҥын дьоҥҥо ыһа-тоҕо кэпсээмэ, арыый чуумпутук сырыт.

Оҕус

Аһары көхтөөххүн, дьону да көҕүлүүгүн. Ол эрээри эн үтүө сыһыаҥҥар, аһаҕас майгыгар ордук саныыр дьон баар буолуон сөп. Бу күннэргэ тулаҕын көрүнэ, кэтэнэ сырыт. Сымыйа сураҕы истэҥҥин санааҥ түһүөн сөп.

Игирэлэр

Нэдиэлэ күүрээннээхтик саҕаламмыт. Бириэмэҕин сөпкө аттарыннаххына, бу нэдиэлэ устата элбэҕи ситиһиэххин сөп.  Дьиэ-уот кыһалҕата улаханнык долгуппат, ол эрээри нэдиэлэ ортотуттан дьиэ кэргэҥҥэр болҕомто ууруоххун наада. Оҕолор болҕомто ирдииллэр.

Араак

Уустук нэдиэлэ саҕаламмыт. Дьону кытта сөпсөспөт түгэннэргэр мөккүһэр наадата суох. Бэйэҥ эрэ эппиккин өрө тутан дьону бэйэҕиттэн тэйитиэххин сөп.

Хахай

Нэдиэлэ устата элбэх барыылаах-кэлиилээх буолсу. Саҥа бырайыактары олоххо киллэрэргэ дьулус. Санаабыт санааҕын тиһэҕэр ардыгар тиэрдибэккэ санаа аалыыта оҥостоҕуҥ.

Кыыс

Дьону кытта сыһыаннаһыыга болҕомтолоох буол. Ардыгар аһары хаҕыстык саҥаран дьону өһүргэтиэххин сөп. Үлэҕэ, дьиэҕэ-уокка өрүү эриэ-дэхси буолбат. Дьиэтээҕилэр эн санаабытыҥ хоту сылдьыбаттарыттан кыйаханыаххын сөп.

Ыйааһын

Ситиһии бэйэҥ илиигэр диэн санаанан салайтарыаҥ. Элбэҕи, саҥаны былаанныыгын. Ардыгар аһары былааннаан баран туолбут курдук санаан хаалларан кэбиһиэххин сөп. Былааннаргын чугас дьоҥҥун кытта үллэстэ үөрэн.

Скорпион

Ситиһиилээх нэдиэлэ саҕаламмыт.  Доҕоторуҥ, чугас дьонуҥ идиэйэлэргин өйүүллэр. ДЬон-сэргэ эн тылыгын ылынар. Улахан былааннары олоххо киллэрэргэ тоҕоостоох кэм тосхойбут.

Охчут

Кыстыкка киириигэ тоҕо эрэ ыгыллаҕын. Ити барыта санааҕын сатаан кэмигэр сааһылаабакка ыһылларгыттан тахсар. Аҕам саастаах чугас дьонуҥ сүбэлэрин иһит.

Чубуку

Кыра аайыттан санааны түһэрэр туһата суох. Эн санааҕын чугас дьонуҥ курдат көрөн таайбаттар. Сатаан санааҕын үллэстэ үөрэн.

Күрүлгэн

Бу нэдиэлэ устата уу-нуурал холку эйгэттэн бэйэҥ да соһуйуоҥ. Нэдиэлэ бүтүүтэ соһуччу этиилэр киириэхтэрэ. Ыраах да айаҥҥа турунуоххун сөп, онтуҥ ситиһиилээх буолуоҕа.

Балыктар

Нэдиэлэ саҥата соһуччу ыалдьыттар кэлиэхтэрин сөп. Аймахтыы, доҕордуу сыһыаны харыстыыр наада. Кыра аайы кыйыттан дьону кытта сыһыаны алдьатыма.