Нэдиэлэтээҕи гороскоп: Балаҕан ыйын 26 — алтынньы 3 күннэрэ

ХОЙ

Нэдиэлэ саҥата ситиһиилээх буолуоҕа. Көхтөөх үлэҕэ бэлэм буол. Уустук быһаарыныылары ылыныаххын сөп. Буола турар быһыыны-майгыны судургутук ылына сатаа.

ОҔУС

Дьыалабыай кэпсэтиилэри кэлэр нэдиэлэҕэ көһөрөр ордук. Дьону тылгар ылыннараҕын, толкуйуҥ да чуолкай. Онон бар дьон убаастабылын уонна билиниитин ылаҕын.

ИГИРЭЛЭР

Айар үлэҕэр табыллар кэм. Ол эн иэйиигиттэн тутулуга суох, барыта баҕа уонна тулуур быһаарар буолбут. Дьыалабыай үлэ өттүгэр болҕомтолоох буол, аһары көхтөөх буолууттан туттунар наада.

АРААК

Чэппиэргэ диэри ылсыбыт дьыалаҥ ситиһии түмүктээх буолуоҕа. Доруобуйаҕар болҕомтолоох буол, аскын туттунарыҥ наада. Чугас дьону кытта сыһыаҥҥа харыстабыллаах буолуу ирдэнэр.

ХАХАЙ

Судургута суох нэдиэлэ үүммүт. Аһары ыксыыгын, омуннураҕын. Онон сыһа- халты туттуоххун сөп. Нэдиэлэ бүтүүтэ барыта орун- оннугар буолуоҕа.

КЫЫС

Барытыгар болҕомтолоох буолуу, тулуурдаах сыһыан олус туһалыырын өйдүөҕүҥ. Докумуону иккитэ хаста бэрэбиэркэлиир, дьону кытта сыһыаҥҥа тулуурдаах буолуу наадатын эрдэттэн өйдөө.

ЫЙААҺЫН

Тус олоххор уларыйыы күүтэр. Саҥа долгутуулаах билсиһии эбэтэр урукку-хойукку доҕоттору көрсүү буолуон сөп. Дьыалабыай кэпсэтии табыллар кэмэ.

СКОРПИОН

Сулустар эн диэки тыгаллар. Дьону кытта уопсай тылы булаҕын, тулуургунан, дьулуургунан элбэҕи ситиһэҕин. Чугас доҕотторгуттан үчүгэй сонуну истиэҥ.

ОХЧУТ

Нэдиэлэ уустук тургутуулары аһардыан сөп. Онон барытыгар кыраҕы харахтаах, чуумпу уонна сэмэй буолуоххун наада. Санааҕын аһара ыһа- тоҕо сылдьыма.

ЧУБУКУ

Уустук дьыалаттан куттаныма, төһөнөн күүскэ үлэлиигин да, соччонон үчүгэй. Мантан эн хамнаһыҥ эрэ буолбакка, ис туругуҥ эмиэ тутулуктаах.

КҮРҮЛГЭН

Буола турар быһыыны- майгыны холкутук, чуумпутук ылыныаххын наада. Дьону кытта уопсай тылы буларга кыһалын. Нэдиэлэ ортотуттан быһаарыныы ылынарга тоҕоостоох кэм.

БАЛЫКТАР

Чэппиэр уонна бээтинсэ олус ситиһиилээх буолуохтара. Онтон атын күҥҥэ сэрэхтээх соҕустук сырыт. Үлэҕэр, тус олоххор соһуччу үчүгэй сонуннары истиэххин сөп. Бэйэ бодотун тардынар наада