Нэдиэлэтээҕи гороскоп (балаҕан ыйын 5 – 12 күннэрэ)

Хой

Кэпсэтии, дьыалабыай көрсүһүү табыллар кэмэ. Дьоҥҥо аһары уустуктук сыһыаннаһартан туттун, барытын судургутук ылына сатаа.

Оҕус

Нэдиэлэ саҥата дьыалабыай кэпсэтиигэ ситиһиини түстүүр. Онтон сэрэдэттэн ыла кыһалҕа күөдьүйүөн сөп. Барытын аһары чугастык ылыныма.

Игирэлэр

Нэдиэлэ саҥата улахан быһаарыныы ылынартан туттунар наада. Тугу истибиккин барытын сыныйан бэрэбиэркэлиир куһаҕана суох буолуоҕа. Чэппиэр, бээтинсэ үп-харчы сыһыаннаһыытыгар табыгастаах.

Араак

Сулустар эн диэки хайыһаллар. Бары дьыалаҕар табыллыы күүтэр. Ол эрээри дьоҥҥо аһары аһаҕас буолума, ордук санааччы да элбэх.

Хахай

Толкуйа суох ыксаллаах быһаарыныы ылыннаххына, кэлин кэмсиниэххин сөп. Үлэҕэр дьону кытта иирсээҥҥэ киирэн биэримэ. Чуумпутук сырыт.

Кыыс

Ырааҕы өтө көрөн сөпкө хамсаннаххына, кэлин махтана саныырыҥ элбэх буолуо. Харчыгын харыстаан тутун. Дьоҥҥо сыһыаҥҥа бэйэҥ эрэ эппиккин өрө тутума.

Ыйааһын

Тулуурдаах буолуу ирдэнэр. Ардыгар ыксаллаах быһыыга-майгыга сыта-тура толкуйдаабакка, ороскуоттаах дьыалаҕа ылсыаххын сөп. Харчыгын харыстаан тутун, ымсыырбыккын барытын атыылаһан иһимэ.

Скорпион

Бэйэҕэр аһары ирдэбиллээххин. Ол эрээри тулалыыр дьоҥҥор ардыгар сымнаҕаскын. Уустугурдар ыйытыыларгар эппиэттэри буола турар балаһыанньаттан булуоххун сөп.

Охчут

Уустук соҕус нэдиэлэ үүммүт. Буолар быһыы-майгы барыта эн утары курдук буолуоҕа. Холкутуу, кэҥии сатаа. Сыалгын-соруккун эрдэттэн кыҥаа.

Чубуку

Саҥа киирэр этиилэри сыта-тура толкуйдаа. Аһары көнөтүк барытын ылыныма. Өрөбүллэргэ быыс булан сынньана сатаа.

Күрүлгэн

Айар үлэнэн үлүһүйүөҥ. Саҥа идиэйэлэр таскар таһымныахтара. Ол эрээри барыта ситиһии түмүктээх буоларыгар эрдэттэн эрэнимэ. Буолар быһыыга-майгыга холкутук сыһыаннас.

Балыктар

Күннээҕи кыһалҕаҕынан олороруҥ ордук. Онтон нэдиэлэ ортотуттан үлэҕэр-хамнаскар, дьиэҕэр-уоккар сыһыаннаах дьыалаларга күүстээхтик ылсарыҥ наада.