Нэдиэлэтээҕи гороскоп: бэс ыйын 13 – 20 күннэрэ

Хой

Өйүҥ-санааҥ, ис туругуҥ күүһүрбүтүн, сэниэ ылбытын билиэҥ. Бу кэмҥэ дьону тылгар киллэрэр кыахтаныаҥ. Саҥарар дьоҕуруҥ да көмөлөһүө.

Оҕус

Дьиэ кэргэн санаатын учуоттуур наадалааҕын өйдүөҥ. Аймахтары кытта үтүө сыһыаны олохтооһун сүрүн күүскүн ылыаҕа. Харчыга сыһыаннаах дьыалаҕа болҕомто ирдэнэр.

Игирэлэр

Ситиһиини бэйэҕэр ыҥырар кыахтааххын. Былааны сөпкө туруоруу үгүс дьыалаҕар көмөлөһүө. Онон сып-сап хамсанан ис.

Араак

Идиэйэҕин олоххо киллэрэ сатаа. Бэйэҥ күүскэр итэҕэлгин сүтэримэ. Дьоҥҥо аһары эрэнимэ. Кыратык тулуйа түс, сотору этэҥҥэ буолуоҕа.

Хахай

Саҥа дьыалаҕа ылсартан куттаныма. Хас да дьайыыны тэҥҥэ оҥоруоххун сөп. Бу саамай ситиһиилээх кэми мүччү тутума.

Кыыс

Сөптөөх билсиһиини олохтооһун ситиһиини түстүөҕэ. Ол эрээри соҕотох тугу да кыайбаккын. Онон хамаанданан үлэлииргэ бэлэм буол.

Ыйааһын

Чэпчэки, үтүө кэм. Сөптөөх сынньалаҥ, үтүө дьоннуун алтыһыы санааҕын үөрдэр. Бэйэни сайыннарыы туһаны аҕалыа.

Скорпион

Талааныҥ арыллар кэмэ, ону кытта эйиэхэ бары аан аһаҕас курдук. Сыыһаны-халтыны оҥорортон ардыгар куттанаҕын. Дьылҕаҕар эрэн.

Охчут

Үлэҕинэн эрэ олорор курдуккун. Бары болҕомтоҥ онно эрэ туһаайыллар. Онон үлэҕинэн үрдүүргэр үтүө кэм тосхойуо.

Чубуку

Эн олоххор буолар быһыы-майгы барыта үөһээттэн ыйыллыбыт курдук. Ол эрээри соһуччу тугу да күүтүмэ. Бэйэҕэр эрэллээх дьайыылары оҥоруоххун сөп. Сыта-тура толкуйдаа.

Күрүлгэн

Сынньалаҥ кэмэ. Соһуччу, быһымах быһыыны оҥорортон туттунар наада. Ыраах айаҥҥа турунуоххун сөп. Саҥа билсиһии күүтэр.

Балыктар

Ситиһии сиэттиһэр кэмэ. Уларыйар балаһыанньаҕа сөп түбэһиэххин эрэ наада. Билигин буола турар барыта олоххор үтүөнэн эргийэригэр эрэниэххин наада.