Нэдиэлэтээҕи гороскоп: Бэс ыйын 20-27 күннэрэ

Сулустар тугу сипсийэллэр? Астрологтар тугу сүбэлииллэр?

Хой

Ситиһиилээх нэдиэлэ. Ол эрээри ардыгар бэйэҥ толкуйдаабыт саҥа идиэйэлэргэр интэриэһиҥ түргэнник сүтэн хаалар буолбут. Онон сыалы-соругу сөптөөхтүк туруоруна сатаа.

Оҕус

Настырыанньаҥ түһэр, тахсар буолбут. Онон сүрэххинэн буолбакка, толкуйгунан олоро сатаа. Сэрэдэ кэнниттэн барыта этэҥҥэ буолуо.

Игирэлэр

Быһаарыныы ыларга олус бытаараҕын, хата ол оннугар саҥа дьоннуун билсэргэ бэрт аһаҕаскын. Тус дьыаланы ситиһиигэ нэдиэлэ ортото ордук.

Араак

Уустук соҕус нэдиэлэ үүммүт. Арай бээтинсэттэн саҕалаан сынньаныаххын сөп. Улахан дьыалаҕа кыттыһыма.

Хахай

Тус кыаххын туттуна соҕус сырыт. Дьону кытта сыһыаҥҥа холку, тулуурдаах буол. Аһары элбэх эбээһинэһи бэйэҕэр ылан баран сатаан толорумуоххун сөп.

Кыыс

Сынньанаргар уолдьаспыт. Арай туох да былаана суох буоллаххына, биир да күннээх толору сынньалаҥ санааҕын үөрдүө. Сүрүнэ — с??????? ??????? ????? ???????.

өбүлүүр дьоҥҥун кытта алтыһыы.

Ыйааһын

Нэдиэлэ саҥата үгүс түбүктээх буолуоҕа. Ол кэннэ барыта тупсуоҕа. Тус олоххор соһуччу билсиһии күүтэр.

Скорпион

Тылгын-өскүн туттуна сырыт. Дьону кытта сыһыаны алдьаппат туһуттан бэйэ бодотун тардыныы көмөлөһүөҕэ. Айар үлэҕэ үтүө кэм.

Охчут

Бэйэҕэр аһары элбэх түбүгү, эппиэтинэһи сүгэҥҥин тус олоххор да бириэмэ тиийбэт буолбут.Салалтаҥ өйөбүлүгэр эрэнимэ. Барыта бэйэҥ илиигэр.

Чубуку

Үлэҕэр-хамнаскар ситиһии салгыы батыһар. Уустук соруктары ситиһиэҥ. Арай тус олоххор туох эрэ сатаммат курдук. Быһаарыныы ылынан испэккиттэн бэйэҥ да эрэйдэнэҕин.

Күрүлгэн

Уу нуураллык устан испит олоххун нэдиэлэ саҥата кыраттан тахсыбыт иирсээн, мөккүөр ыһыан сөп. Онон арыый туттуна сылдьар наада буолбут.

Балыктар

Аһары көхтөөххүттэн, барытыгар кыттыһан, орооһон иһэргиттэн чугас да дьонуҥ сылайбыттар. Онон бу нэдиэлэ устата чуумпутук сырыт. Дьону кытта сыһыаны харыстаа.