Нэдиэлэтээҕи гороскоп: бэс ыйын 22 — 29 күннэрэ

Хой
Барыта эһиги баҕарбыккыт курдук буолан испэтиттэн ньиэрбинэйдиэххитин, кыйыттыаххытын сөп. Нэдиэлэ бүтүүтэ үчүгэй уонна соччото суох сонуннары истиэххит. Элбэҕи истэ-билэ сатаамаҥ, барыта бэйэтин кэмигэр буолуоҕа.

Оҕус
Бу нэдиэлэҕэ бэйэҕитин анаалыстанаргыт, тылгытын кыана туттаргыт, дьоҥҥо сыһыаҥҥытын тупсараргыт ордук. Сэрэйэн көрөр дьоҕургут сайдыаҕа, ол эрээри албыҥҥа-көлдьүҥҥэ киирэн биэрэртэн сэрэхтээх буолуҥ.

Игирэлэр
Саарбахтыыр дьыалаҕытыгар ылсыбаккыт ордук. Олоххутун тупсараргытыгар, сынньана бараргытыгар, дьиэ-уот атыылаһарга саҥа кыахтар көстүөхтэрэ. Баҕа санааҕыт туолуоҕа.

Араак
Үлэҕэ-үөрэххэ, дьиэҕэ-уокка барыта этэҥҥэ. Чугас дьоҥҥутун, доҕотторгутун кытта алтыһан астыныаххыт, үчүгэй сонуннары истиэххит. Үгүс сыраны-сылбаны бараабакка эрэ, улаханы ситиһиэххит. Олоххо көхтөөхтүк сыһыаннаһыҥ.

Хахай
Сынньанарга, тохтуу түһэргэ бириэмэ
бэриллиэҕэ. Чугас дьоҥҥут үөрдүөхтэрэ, соһуччу бэлэх тутуоххутун сөп. Олус элбэҕи үлэлиир “хахайдар” үлэҕит сорҕотун атын киһиэхэ соҥууртан кыбыстымаҥ, толлумаҥ. Сэниэ, күүс киириэ.

Кыыс
Бу нэдиэлэҕэ сонун дьарыгы булунаргыт ордук. Саҥа дьону кытта билсиэххит, бу дьонтон биирдэстэрэ эһиги инники олоххутугар суолталаах киһинэн буолуоҕа. Оҕуруокка үлэлииргэ, айылҕаҕа сынньанарга тоҕоостоох кэм үүммүт.

Ыйааһын
Кыраттан кыыһырар-тырыттар кэмэл-
дьигитин көннөрүнүҥ, солуута суохтан чугас киһигитин өһүргэтиэххитин сөп. Үлэҕит түмүктээх буолуоҕа, салалта сыаналыаҕа. Уруккуттан аала сылдьар кыһалҕаны быһаарарга сөптөөх күн-дьыл кэлбит.

Скорпион
Доруобуйаҕытын көрүнүҥ, ис-үөс ыарыытыттан сэрэниҥ. Барыы-кэлии табыллыаҕа, харчы чааһа эмиэ үчүгэй. Соһуччу көрсүһүүлэр, бырааһынньык-
тар күүтэллэр диэн сулустар “скорпионнарга” сипсийэллэр.

Охчут
Эксээмэни, тургутууну этэҥҥэ ааһыаххыт, долгуйумаҥ. Олоххутугар саҥаны-сонуну киллэрэртэн туттунуҥ, бириэмэтэ кэлиэҕэ. Успуордунан дьарыктанар, доруобуйа туругун көрүнэр, кыратык ыйааһын түһэрэр туһунан толкуйдар киириэхтэрэ.

Чубуку
Бэйэҕит кыаххытыгар, өйгүтүгэр эрэ эрэнимэҥ. Эһиэхэ көмөлөһүөн, сүбэлиэн-амалыан баҕарар дьон үгүс эбит. Бу – туһалаах буолуоҕа. Суолга-иискэ болҕомтолоох буолуҥ. Үөйбэтэх өттүгүтүттэн эһиги тускутунан хоп-сип тарҕаныан сөп.

Күрүлгэн
Дьону кытта үлэҕэ, бырайыакка табыллыаххыт. Эһиги муударайгытын, өркөн өйгүтүн сөҕүөхтэрэ-махтайыахтара. Сулумах “күрүлгэннэр” өрөбүллэргэ элбэх киһи тоҕуоруһар сиригэр сылдьыҥ, аналлааххытын көрсүөххүтүн сөп.

Балыктар
Олоххутугар улахан уларыйыылар тахсыахтарын сөп – саҥа дьиэҕэ көһүү, тимир көлө атыылаһыы, уруу тэрийии, оҕо төрөөһүнэ. Чугас дьоҥҥут эһиги сүбэҕитигэр наадыйаллар, көмө көрдөөтөхтөрүнэ тиэрэ хайыһымаҥ. Уопсайынан, бу күннэргэ эһигини табыллыы батыһар.