Нэдиэлэтээҕи гороскоп: Бэс ыйын 27 – от ыйын 4 күннэрэ

Хой

Саҥа саҕалааһыннарга ситиһии күүтэр. Ол эрээри тус олоххун умнан туран үлэнэн эрэ үлүһүйүүһүккүн. Саамай сүрүнэ — бэйэҕэр эрэниэххин наада.

Оҕус

Үп-харчы дьыалатыгар табыллыы күүтэр. Соһуччу бэлэх тутуоҥ, үөрүүлээх сонун истиэҥ.

Игирэлэр

Ситиһии барыта бэйэҥ ис туруккун кытта ситимнээх буолуо. Настарыанньаҥ кыраттан да көтөҕүллүө. Оттон тус олоххор соһуччу үөрүү тосхойуо.

Араак

Саҥа билсиһииттэн куттаныма. Харса суох кимэн киирэн ис диэн сүбэлииллэр сулустар. Үп-харчы дьыалатыгар дьону кытта сыһыантан тутулуктаах.

Хахай

Тус бырайыактары олоххо киллэрэргэ уолдьаспыт. Айар үлэ да ситиһиини түстүө. Арай тус олоххо чуумпуруу кэмэ.

Кыыс

Үлэҕэр-хамнаскар ситиһии күүтэр. Үчүгэй этиилэр киириэхтэрин сөп. Онон хас да хайысханан харчылаһарга тоҕоостоох түгэн үөскүө.

Ыйааһын

Харчы мунньунарга, сөптөөх уурунуу оҥосторго тоҕоостоох кэм буолуоҕа. Саҥа этиилэр киириэхтэрэ, эбии дохуот булунуоххун сөп.

Скорпион

Ситиһиилээх кэм. Үлэҕинэн үрдүүргэр табыгастаах кэм. Аптарытыатыҥ да үрдүө. Үлэҥ түмүгүнэн астыныаҥ.

Охчут

Үөрэххэ, сайдыыга харчыгын харыһыйыма. Икки өрүттээх санааҕыттан босхолоно сатаа. Доҕоттору кытта сыһыаны харыстаа.

Чубуку

Ханнык баҕарар сорукка уратытык (креативнайдык), сыһыаннас. Саҥаны саҕалыыртан куттаныма. Чугас дьоҥҥун кытта ис санааҕын үллэстэн кэҥиэххин сөп.

Күрүлгэн

Үлэҕэ ситиһии күүтэр. Оттон дьону кытта сыһыаҥҥа күүрүү баар. Холкутуу, чуумпура сатаа. Ардыгар сатаан өйдөспөт буолууттан санааҥ түһэр. Бу сотору ааһыаҕа.

Балыктар

Тус сыһыаны харыстыырга кыһалын. Чугас дьоҥҥун кытта айылҕаҕа сылдьан дуоһуйуоҥ. Оҕолоргор, аймахтаргар болҕомтолоох буол.