Нэдиэлэтээҕи гороскоп: кулун тутар 14-21 күннэрэ

Сулустар тугу кэпсиллэр?

Хой

Бу ыйга төрөөбүт хойдор сэниэлэрэ төлө тэбэн, урут санаабатахтарын да сатыахтарын, кыайбатахтарын да кыайыахтарын сөп. Онон ханнык баҕарар балаһыанньаҕа сөп түбэһэн сылдьар, тугу эрэ ситиһэр кыахтааххын.

Оҕус

Оҕус бэлиэлээхтэргэ Венера планета дьайыыта күүстээх буолууһу. Онон тас көрүҥҥэр олус кыһаллыаҥ. Уопсастыбаҕа талаһыаҥ. Соһуччу таҥас-сап да атыылаһыаххын, имиджкин уларытыаххын сөп.

Игирэлэр

Болҕомтоҥ барыта үлэҕэр буолуоҕа. Ааспыт ыйга үлэҥ ситиһиитэ санааҕын кынаттаабыт буоллаҕына, бу сырыыга сылайбыккын өйдүөҥ. Онон бэйэҕэр бэлэх оҥостон, доҕоттору кытта сынньанан дуоһуйуоххун наада. Доруобуйаҕын тупсарарга салгын наада.

Араак

Ый ортотуттан сэниэҥ тиийбэтиҥ билиэҥ. Бырааска былааннаан туран көрдөрүнэр, битэмиин анатар наада буолбут. Маннык сылдьан ыһыктынан кэбиһэр үчүгэйгэ тиэрдибэт.

Хахай

Нэдиэлэ саҥата үлэҕэр-хамнаскар уларыйыылары түстүүр. Ол эрээри харчыта суох хаалыаҥ суоҕа. Салалтаҕар хайдах сыһыаннаһаргыттан барыта тутулуктаах буолбута санааҕын баттыыр. Дьону кытта уопсай тылы буларга дьулус.

Кыыс

Бу күннэргэ харчы кэлэн үөрдүө. Элбэҕи үлэлиигин. Биисинэскэ да табыллыаҥ. Харчыгын сөпкө суоттаан тутуннаххына, тугу эрэ туһалааҕы атыылаһыаххын сөп. Нэдиэлэ бүтүүтэ харыстана сырыт.

Ыйааһын

Үлэҕэр-хамнаскар саҥа идиэйэ киириэн сөп. Докумуон үлэтигэр болҕомтолоох буол. Тус олоххор уларыйыы суох. Чугас дьоҥҥун кытта аһаҕас кэпсэтии, айылҕаҕа сынньаныы үөрдүө.

Скорпион

Дьиэ кэргэн кыһалҕата санааҕын барытын ытыйар. Олоҕуҥ ол эрэ тула эргийэр. Ол эрээри нэдиэлэ ортото барыта этэҥҥэ буолуоҕа. Соҕотох скорпионнар аналларын көрсүөхтэрин сөп.

Охчут

Тус олоххор барыта этэҥҥэ. Дьону кытта өйдөһөҕүн, уопсай тылы булаҕын. Ол эрээри чугас дьоҥҥор арыый тулуура суоххун. Дьиэ кэргэҥҥэр болҕомтолоох буол, тугу эрэ куоттаран кэбиһиэххин сөп.

Чубуку

Түбүктээх нэдиэлэ үүммүт. Дьону кытта мөккүһэн бэйэҥ этиигин, санааҕын көмүскэниэххин сөп. Дьону кытта иирсибэт гына сырыт. Дьиэ-уот кыһалҕатын быһаараргар тоҕоостоох нэдиэлэ.

Күрүлгэн

Чуумпу нэдиэлэ үүммүт. Ол эрээри күрүлгэн ардыгар чааскылаах ууга буурҕаны түһэриэн сөп. Аһары күүрбэккэ сылдьар наада буолбут. Дьон эн тускунан соччото суох өйдөбүллээх хаалыан сөп.

Балыктар

Бу нэдиэлэҕэ хас да барыстаах хантараак, дуогабар түһэрсиэххин сөп. Салалтаҥ хайҕала эрэли үөскэтэр. Ол эрээри аһары билинэр, дьону билиммэт буолар начаас өйдөтүөн сөп. Туохха барытыгар миэрэ баарын балык бэлиэлээхтэр умнумаҥ.