Нэдиэлэтээҕи гороскоп (Кулун тутар 25 – кулун тутар 30 күннэрэ)

ХОЙ
Иэскэ-күүскэ киирбэт гына толкуйдаан сырыт. Ити харчыга эрэ буолбакка, дьону кытта сыһыаннаһыыга эмиэ оруоллаах. Тиэхиньикэҕэ сыһыаннаах хойдор саҥа толкуйгут сатаныан сөп. Ол эрээри тиэхиньикэни атыылыыр уонна атыылаһар билигин эрдэ.

ОҔУС
Биисинэс эйгэтигэр сыһыан­наах оҕустарга ситиһиилээх кэм. Харчыны, докумуону кытта кэпсэтии­лэр үтүө түмүктэрдээх буолуохтара. Онон санаабыт санааҕын олоххо киллэрэргэ хамсанарыҥ наада.

ИГИРЭЛЭР
Сөптөөхтүк сынньаммыккын, аны үлэҕэ умса түһэр кэмиҥ кэлбит. Саҥа бырайыактары, этиилэри салалтаҕар көмүскээн хайҕаныаҥ. Саарбахтыы сылдьыбакка, олоххо киллэрэргэ дьулус.

АРААК
Аймахтаргын кытта сыһыан тыҥаа­һыннаммыт. Олус бэйэмсэх буолуу үчүгэйгэ тиэрдибэт. Дьоҥҥо туох кыахтааххынан көмөлөһө сатаа. Дьыалабыай кэпсэтиилэри нэдиэлэ икки аҥаарыгар көһөрөр ордук.

ХАХАЙ
Дьон эйигин олус сөбүлүүр, эн аттыгар буоларга дьулуһар. Улахан үлэ, саҥа саҕалааһыннар күүтэллэр. Урут алтыһа сылдьыбыт дьонуҥ өйөбүллэрэ наада буолуоҕа.

КЫЫС
Санааҕа ылларыаҥ. Үп-харчы тиийбэт курдук. Дьиэ-уот кыһалҕата ыгар. Саҥа толкуйуҥ ситэтэ суох курдук. Бу саарбахтыыр санаалар чугас дьонуҥ көмөлөрүнэн симэлийиэхтэрэ.

ЫЙААҺЫН
Ыраах айан, истиҥ көрсүһүү кэмэ. Халыҥнык таҥнан, тоҥмот-хаппат курдук сырыт. Чугас дьонуҥ эн саҥа этиилэргин өйүүллэр. Бу күннэргэ улахан дьыаланы ыпсаран санааҥ дьэ, уоскуйууһук.

СКОРПИОН
Туора дьон тылыттан арыт-ардыгар олус абарар эбиккин. Тулалыыр эйгэҕин барытын бэйэҥ санаабытыҥ курдук уларытар кыаҕыҥ суох. Ол кэриэтин бэйэҥ майгыгын көрүнэн дьоҥҥо эйэҕэс буол диэн сулустар сүбэ­лииллэр.

ОХЧУТ
Оҕолоруҥ, кэргэниҥ бары эйигиттэн тугу эрэ ирдииллэр, күүтэллэр. Үлэҕэр эмиэ ыктарыах курдуккун. Ол эрээри бириэмэни сатаан аттарыннахха, чугас дьону көмөҕө ыҥырдахха, барыта кыаллар дьыал. Нэдиэлэ бүтүүтэ үгүһү ситиспиккиттэн астыныаҥ.

ЧУБУКУ
Саҥа бырайыак ситиһиилээх буо­луоҕа. Үлэттэн дуоһуйуу ылар кэмиҥ. Онон хас хардыыгын толкуйдаан, былааннаан сырыт. Саҥа бырайыакка ылсыаххын сөп. Онтуҥ сити­һиилээх буолуоҕа.

КҮРҮЛГЭН
Дьон тылыгар киирбэт, иирсибэт гына сэмэйдик сырыт. Дьон саҥатын да аһары чугастык ылынаҕын. Бу күннэргэ доҕоттору, аймахтары кытта истиҥ көрсүһүүгэ сылдьан санааҥ да кэҥиэҕэ.

БАЛЫКТАР
Айылҕаҕа сылдьыаҥ, доҕоттордуун көрсүөҥ. Санаалыын сынньаннаххына эрэ астыныаҥ. Үлэттэн илистибит санааҥ киэр кыйданан, олоҕу саҥалыы көрүөҥ. Үп-харчы да сөбүгэр баара үөрдэр. Ол эрээри харчыгынан аһары ыһыахтаныма, кирэдьииккэ, иэскэ-күүскэ кииримэ.