Нэдиэлэтээҕи гороскоп: кулун тутар 28 – муус устар 4 күннэрэ

Хой

Дьону кыта мөккүөргэ кииримэ. Саҥа билиини ылыы бу нэдиэлэҕэ уустугуруон сөп. Ол оннугар маассабай тэрээһиннэргэ сылдьыы ситиһиилээх буолуоҕа. Саҥа дьоннуун билсиэҕиҥ, санааҥ көтөҕүллүө.

Оҕус

Бу нэдиэлэҕэ эбии кууруска сылдьан билиигин хаҥатыаҥ. Искэр киирбэт дьону кытта алтыһыма. Дьон болҕомтотун ортотугар буолуоҥ. Онон тугу былааннаабыккын ситиһиэҥ.

Игирэлэр

Тиэхиньикэни кытта үлэҕэ уустуктары көрсүөҥ. Бу нэдиэлэҕэ дьиэҕин-уоккун сөхсүтүөҥ, ыраастыаҥ. Сааскылыы барытын сэргэхтик көрсүөҥ. Дьиэтээҕилэргин кытта сыһыаны харыстаа.

Араак

Настарыанньаҥ үчүгэй. Бу нэдиэлэҕэ тугу гыммытыҥ барыта икки төгүл улаатар кыахтаах. Онон үчүгэйи санаан туран үтүө дьыалаҕа ылсарыҥ ордук диэн сулустар сүбэлииллэр.

Хахай

Дьон олоҕор орооһууҥ, хопко-сипкэ кыттыһыыҥ үчүгэйгэ тиэрдибэт. Онон арыый чуумпутук сылдьан сыалгын-соруккун ситэргэ кыһалын. Дьону кытта иирсээҥҥэ кыттыһыма.

Кыыс

Үлэҥ түмүгүн көрөр кэмиҥ кэлбит. Сурукка, докумуоҥҥа сыһыаннаах үлэҕэ болҕомтолоох буол. Туора дьоҥҥо кыһалҕаҕын ыһа-тоҕо кэпсээмэ. Онон туһаныахтарын сөп.

Ыйааһын

Дьаҥ-дьаһах киириитин эрдэттэн сэрэтэр ордук. Бу нэдиэлэҕэ сөптөөх быһаарыныы оҥороргор тоҕоостоох түгэн тосхойуо. Улахан дьыалаҕа ылсар наадата суох, ол кэриэтин кыра соруктары ситиһии быдан туһалаах буолуоҕа.

Скорпион

Бэйэҥ толкуйгун сааһылыыргар болҕомтолоох буолуу ирдэнэр. Ардыгар аһары элбэҕи санааҥҥын санааҥ ыһыллан хаалар. Саҥа хайысхаҕа ылсыы уустуктардаах, онон уруккуттан сатыыр, сөбүлүүр дьыалаҕынан үлүһүйэриҥ ордук.

Охчут

Успуордунан дьарыктанаргар үтүө кэм. Доруобуйаҕар туһалаах дьыаланан ылсан бэйэҥ абыраныаҥ. Саҥа дьоннуун билистэххинэ, бэйэҥ тускунан элбэҕи кэпсиир наадата суох.

Чубуку

Үлэ хаамыытын түргэтэтэр туһуттан саҥа ньымалары толкуйдуоххун сөп. Уустук балаһыанньаҕа бэйэҕин туораттан көрүнэр наада. Ааспыты эргиллэн көрөр наадата суох, тус олоххор барыта этэҥҥэ.

Күрүлгэн

Дьону кытта сыһыаҥҥа сымнаҕас, эйэҕэс буола сатаа. Ким эмит ыалдьыттата эбэтэр сыбыдаанньаҕа ыҥырдаҕына, аккаастыыр наадата суох. Тус олоххор күөх уот тыгар кэмэ.

Балыктар

Доруобуйаҕар болҕомтото уур. Аһыы утахтан тэйэ туттуоххун наада. Алҕас аһары элбэҕи саҥаран дьон саҥатыгар киириэххин сөп. Ол кэриэтин айылҕаҕа, сибиэһэй салгыҥҥа сылдьыы туһалаах буолуо.