Нэдиэлэтээҕи гороскоп: Муус устар 11 – муус устар 18 күннэрэ

Хой

Уустук балаһыанньаҕа бэйэҕин сатаан туттунар үтүө дьоҕургун сайыннардаххына, чугас дьоҥҥор сыһыаҥҥын арыый сымнаттаххына, олоххо көрүүҥ уларыйыан сөп. Бу нэдиэлэ устата эньиэргийэҥ үрдүк, ону туһана сатаа.

Оҕус

Бу нэдиэлэҕэ харчы боппуруоһугар ситиһии күүтэр. Нэдиэлэ ортотуттан барытын ааҕан, суоттанан сылдьыаххын наада. Бириэмэни сөпкө туһаныы көмөлөөҕүн билиэҥ.

Игирэлэр

Саҥа билиини ылыы кууруска эбии үөрэнии улахан туһаны аҕалыа. Харчыга сыһыаннаах дьыалаҕа мөккүөргэ кыттыһыма. Нэдиэлэ бүтүүтэ сибиэһэй салгыҥҥа сылдьа сатаа.

Араак

Дьиэ кэргэҥҥэ болҕомто уурар кэм. Оҕолор тугу эрэ кистииллэр, чугас киһиҥ эрэммэт курдук. Туохха барытыгар аһаҕас кэпсэтии уонна өйдөһүүгэ дьулуһуу эрэ көмөлөһөрүн умнума.

Хахай

Майгыгын, олоххо көрүүгүн тулалыыр дьоҥҥор биллэриэххин наада. Эйигин аһары сымнаһырҕатан ылыммат буолуохтарын сөп. Нэдиэлэ ортотуттан бэйэҥ сайдыыгар болҕомтоҕун уур.

Кыыс

Кыра дьыалалары, кыһалҕалары бастаан быһаарыаххын наада буолбут. Эн ардыгар аһары улаханы былаанныыгын, онон сатаан сааһыланыы, аттарыныы наада буолбут. Тус истириэһи аччатарга кыһан.

Ыйааһын

Дьону кытта сыһыаннаһыыга болҕомтоҕун уур. Кими эмит алҕас хомотуоххун, өһүргэтиэххин да сөп. Нэдиэлэ бүтүүтэ ускуустуба эйгэтигэр болҕомто ууран, кэрэ эйгэтигэр сыстыыҥ санааҕын үөрдүө.

Скорпион

Бу нэдиэлэҕэ элбэх уларыйыы күүтэр. Үлэҕэр, үөрэххэ, тус олоххо барытын саҥалыы көрүөҥ, ылыныаҥ. Онон нэдиэлэ ортотуттан тус сайдыыгар, өйгүн-санааҕын сайыннарыыга үлэлэһэн саҕалыаҥ.

Охчут

Саҥа билсиһии. Интэриэһинэй дьону кытта алтыһыы күүтэр. Нэдиэлэ бүтүүтэ айаҥҥа турунуоххун сөп. Ис санааҕын дьон аайы ыһа-тоҕо кэпсээмэ. Дьиҥ бэйэҥ чугас дии санаабыт киһигэр эрэ арыллыаххын сөп.

Чубуку

Үлэҕэр-хамнаскар үтүө кэм. Үлэҕэр да сыаналыыллар. Ол эрээри тус олоххун умнума. Аҥаардас эбээһинэһинэн эрэ олорууттан санааҥ муунтуйар. Оттон киһи олоҕо биир эрэ.

Күрүлгэн

Дьону кытта сыһыан уустугурбут. Тус олоххун да умнан үлэнэн үлүһүйэн чугас дьоҥҥуттан тэйбит курдуккун. Бииргэ алтыһар дьоҥҥун да ардыгар сылатар эбиккин. Онон ис санааҕын сааһыланан, сөбүлүүр дьарыккынан ылсан дьарыктаннаххына табыллыыһык.

Балыктар

Духуобунай өттүнэн сайдыыга болҕомтоҕун уур. Аҥаардас күннээҕи түбүгүнэн уонна харчынан эрэ олоҕу сыаналыыр тутах. Айылҕаҕа сылдьан, үтүө дьоннуун алтыһан бэйэҕин саҥалыы ылыныаҥ.