Нэдиэлэтээҕи гороскоп: муус устар 18-25 күннэрэ

Хой

Ситиһии сиэттиһэр кэмэ. Ол эрээри аһары сүрэҕэ суох эрэ буоллаххына, мантан матыаххын сөп. Доҕоттору кытта көрсүһүү, ирэ-хоро кэпсэтии саҥа былааннары толкуйдуургар көмөлөһүөҕэ.

Оҕус

Чугас дьоҥҥун кытта кыттыгас саҥа бырайыак, биисинэс-былаан толкуйдуоххун сөп. Эбии кууруска сылдьан билиигин хаҥаттаргар тоҕоостоох кэм. Урукку сибээстэриҥ көмөлөһүөхтэрин сөп.

Игирэлэр

Санааҥ көтөҕүллэр, айыаххын-тутуоххун баҕарар кэмиҥ. Тулалыыр дьоҥҥор үтүөнү эрэ тарҕатаҕын. Бу үтүөҥ уон оччонон эргиллэрин умнума.

Араак

Дьылҕаҕын салайаргар баҕа санааларгыттан тутулуктаах буолбут. Маныаха санааны сөпкө сааһыланыы уонна бириэмэни аттарыныы көмө буолуоҕа.

Хахай

Аһары бэйэни сананыыттан туттунар наада буолбут. Тулаҕар баар дьоҥҥун өйдөөн көрөр, кинилэр санааларын истэр туһалыаҕа. Дьоҥҥо куһаҕан санааны хаалларбат туһугар дьулус.

Кыыс

Бэриллэр тоҕоостоох түгэни мүччү туппат буоларга кыһан. Тус олоххор үтүө уларыйыылар күүтэллэр. Саҥа билсиһии доҕордоһууга кубулуйуон сөп.

Ыйааһын

Чугас дьонуҥ өйөбүллэринэн үгүһү ситиһиэҥ. Истиҥ көрсүһүү, аһаҕас кэпсэтии күүтэр. Өр кэм устата кистии сылдьыбыт санааҕын сайа этэргэр тоҕоостоох түгэн тосхойуо.

Скорпион

Дьону кытта уопсай тылы буларга кыһан. Бэйэҥ эрэ эппиккин өрө тутума. Үлэҕэ, үөрэххэ табыллыы күүтэр. Айылҕаҕа сылдьан чэбдигириэҥ.

Охчут

Олус түргэн тэтимнээх нэдиэлэ күүтэр. Үпкэ-харчыга сыһыаннаах дьыалаҕа ситиһии күүтэр. Саҥа бырайыактарга ылсыаххын сөп.

Чубуку

Дьону кытта кэпсэтэргэ сэрэхтээх буол. Үчүгэйдик билбэт дьоҥҥор аһары аһыллыма. Өрөбүллэргэ чугас киһигин кытта сынньалаҥ күүтэр.

Күрүлгэн

Эппит тылгын толороргор уолдьаспыт. Аһары элбэҕи эрэннэримэ, былааҥҥын ыһа-тоҕо кэпсээмэ. Арыый бүөм сырыт диэн сулустар сүбэлииллэр.

Балыктар

Эниэргийэҥ элбэх, саҥа бырайыак толкуйдаан салалтаҕыттан хайҕаныаҥ. Тус олоххор барыта этэҥҥэ. Элбэх көрсүһүү, тэрээһин күүтэр.