Нэдиэлэтээҕи гороскоп (муус устар 19 – 26 күннэрэ)

Хой

Үп-харчы өттүнэр табыллыы күүтэр. Аһары үлэҕинэн үлүһү­йэҥҥин, тулаҕар туох буоларын өйдөөн көрбөт курдуккун. Ол эрээри кылапачыйар барыта көмүс буолбатаҕын, дьону кытта сыһыаҥҥа болҕомтолоох буоллаххына, бэлиэтии көрүөҥ.

Оҕус

Оҥорор дьайыыларгар саарбахтаама. Ол эрээри дьон санаа­тын истэн туһалаах түмүктэри оҥостуох­хун сөп. Чиэһинэй, аһаҕас  майгыҥ дьону кытта сыһыаҥҥа көмөлөһүө. Нэдиэлэ бүтүүтэ бэлэх-туһах атыылаһан, чугас дьоҥҥун үөрдүөххүн сөп.

Игирэлэр

Тус олоххун да, үлэҕин да дьүөрэлии тутарыҥ уустугурбут.  Бириэмэни сатаан аттарынарга кыһан. Чугас дьоҥҥун хомоппот туһуттан аһаҕас кэпсэтиигэ барарыҥ наада.

Араак

Эйигиттэн чугас дьонуҥ болҕомтону, кыһамньыны күүтэллэр. Кистии сылдьыбыт кыһалҕаларыҥ хаттаан күөрэйиэхтэрин сөп. Онон баар кыһалҕаларгын быһаарарга кыһан.

Хахай

Интэриэһинэй нэдиэлэ үүммүт. Ыраах айан, барыы-кэлии, саҥа дьоннуун алтыһыы санаа­ҕын кынаттыа. Дьиэ кэргэҥҥэр болҕомто уураргын умнума.

Кыыс

Элбэх дьыалаҕа тэҥинэн ылыс­таххына, таах илии соттон хаалыаххын сөп. Ол кэриэтин биир улахан дьыаланы быһаарарга бары өйгүн түмэриҥ наада. Нэдиэлэ бүтүүтэ докумуоҥҥа илии баттаһартан туттунар наада.

Ыйааһын

Саҥа дьыалаҕа хорсуннук ылсан ис. Бэйэни туттуна, санааны сааһылыы үөрэн. Доруобуйаҕын көрүнэ сырыт, тымныйыаххын сөп.

Скорпион 

Сүнньүгүн, төбөҕүн үрдэрбэт гына сырыт. Дьыл кэмин уларыйыыта доруобуйаҕар дьайыан сөп. Бу нэдиэлэ устата саҥа уларыйыылар, үөрүүлээх сонуннар күүтэллэр.

Охчут

Уот курдук умайаҕын. Ыксыыгын, барытын биирдэ ситиһиэххин саныыгын. Ол эрээри сулустар бу нэдиэлэни чуумпутук, дьиэ кэргэни кытта атаарарга сүбэлииллэр.

Чубуку

Буола турар быһыы-майгы санаа­ҕын манньыппат. Саас кэлиитин кытта ханна эрэ ыраах баран сынньаныаххын саныыгын. Онон бэйэҕин уһугуннаран, кыраттан да үөрэн сылдьарга сулустар сүбэлииллэр.

Күрүлгэн

Дьону кытта кэпсэтиигэ болҕомтолоох буол. Аймах дьону кытта сыһыаны алдьатарга ыксаа­ма. Хас хардыыгын толкуй­даан сырыттаххына, нэдиэлэ чуумпутук ааһыаҕа.

Балыктар

Буола турар быһыыга-майгыга кыттыспатыҥ ордук. Ол кэриэтин айылҕаҕа сырыттаххына, доҕоттору кытта алтыстаххына, са­­нааҥ көнньүөрүө. Кыра кыһалҕаҕа болҕомто уурбат буола сатаа.