Нэдиэлэтээҕи гороскоп: муус устар 25 – ыам ыйын 2 күннэрэ

Сулустар туох кэрэни, үтүөнү эбэтэр ыарахан түгэннэри түстүүллэр?

Хой

Дьону кытта кыыһырсыыттан, тыл-тылга киирсибэт буолууттан туттунарыҥ наада. Суһал дуогабардарга илии баттыырга ыксаама. Бу күннэргэ быыс булан сынньана сатаа. Ис туруккун сааһылаа.

Оҕус

Туохтан эрэ долгуйаҕын, тугу эрэ күүтэр курдуккун. Айар кутуҥ иэйэр кэмэ. Ол эрээри буола турар быһыыны-майгыны хайдах баарынан ылынарга, аһары кэрэтитэн көрбөккөр сулустар сүбэлииллэр.

Игирэлэр

Көҥүлгэ наадыйаҕын. Ол-бу араас авантюраҕа да киирэргэ бэлэмҥин. Ол эрээри бу күннэргэ сэрэхтээх буол. Өрөбүллэргэ чугас киһигин кытта сыһыаны быһаарсар тоҕоостоох кэм.

Араак

Дьиэ кэргэн кыһалҕата күҥҥүн-дьылгын, бириэмэҕин барытын ылар курдук. Бу барыта дьыл кэмин уларыйыытыттан тахсар санаа-оноо сотору кэминэн ааһыаҕа. Олоҕу судургутук ылына сатаа.

Хахай

Рационализаторскай өйгүн-санааҕын тобула сатаа. Саҥа санааларгын олоххо киллэриэххин сөп. Ылбыт сонуҥҥун барытын ырыҥалаан көр, тута итэҕэйэргэ ыксаама.

Кыыс

Нэдиэлэ устата бэйэҕин туттуна, искэр күүрэн баран сылдьыаххын сөп. Биир өттүнэн маннык сылдьарыҥ үчүгэй курдук, кыһалҕаттан куотарга саамай сөптөөх быһыыланыы буолар. Тулаҕар буолар быһыыга-майгыга болҕомтолоох буол.

Ыйааһын

Чугас киһиҥ дохуота тус кыһалҕаҕын быһаараргар көмө буолуоҕа. Ол эрээри бу нэдиэлэ устата элбэх харчыны барыырга ыксаама. Муус устар 30 күнэ улахан суолталаах буолуоҕа. Болҕомтолоох буол.

Скорпион

Тулалыыр дьону буруйдуурга хаһан баҕарар судургу. Тус олоххор, чугас киһигин кытта сыһыаҥҥар туочука да туруоруоххун сөп буолбут. Барытыттан аһары сылайбыккын.

Охчут

Биир сиргэ тэһииккээн олорбоккун. Барыаххын-кэлиэххин эрэ баҕараҕыҥ. Онон бу эниэргийэҕин уопсастыбаннай дьыалаҕа туһанарыҥ наада. Ол эрээри доруобуйаҕар болҕомтото уур.

Чубуку

Тус олоххор ситиһии күүтэр. Кистэлэҥи тута үөрэн. Муус устар 29–30 күннэригэр харчыга сыһыаннаах дьыалаҕа сэрэхтээх буол, докумуоҥҥа илии баттыырга ыксаама. Өрөбүллэргэ саҥа дьоннуун билсиэҥ.

Күрүлгэн

Бу нэдиэлэҕэ үп-харчы өттүгэр табыллыаҥ. Балаһыанньаҥ тупсуо. Ол эрээри эйигин тулалыыр дьону кытта сыһыаны алдьаппат туһугар кыһан. Кимиэхэ эрэ эн көмөҥ наада буолуон сөп.

Балыктар

Төһөнөн түргэнник дьыалаҕын барытын ситэҕин да, соччонон түргэнник барытын быһаарыаҥ. Болҕомто ортотугар буоларгыттан куттаныма, тус санааҕын этэ үөрэн. Өрөбүллэргэ саҥа дьоннуун билсиэҥ.