Нэдиэлэтээҕи гороскоп: Муус устар 4 – муус устар 11 күннэрэ

Хой

Эппиэтинэстээх үлэҕэ бэлэм буолбуккун бэйэҥ туруккунан көрөн сыаналаныаҥ. Бу күннэргэ дьыалаҥ-куолуҥ табыллыаҕа, онон туттумахтаан хаал. Тус олоххор уларыйыы суох.

Оҕус

Саатар, биир баҕа санаа туолуон баҕараҕыҥ. Ол туһугар хайаны да дабайарга бэлэмҥин. Саҥа бырайыактар, этиилэр идиэйэлэрэ киириэҕэ. Өйүүр дьону бэйэҥ чугаскар көрө сатаа.

Игирэлэр

Дьылҕа туох бэлэҕи утары уунарын ситэ өйдүү иликкин. Буолар уларыйыыларга бэлэм сырыт. Саҥа дьыалаҕа ылсартан куттаныма, хорсун быһыыга сулустар көмөлөһөллөр.

Араак

Саамай улахан дьол бу күннэргэ эйиэхэ доҕоттору кытта көрсүһүү буолар. Онон нэдиэлэ устата былааннаан умнуллубат көрсүһүүнү тэрийиэххин сөп. Айылҕаҕа сылдьан дуоһуйуоҥ.

Хахай

Ааспыт кэми умнарга кыһан. Наар уруккуну-хойуккуну санаан онон олорор буолбуккун. Саҥа толкуй ситиһиилээх буолуо, маныаха чугас дьонуҥ көмөлөрө күүс-уох эбиэҕэ.

Кыыс

Бу нэдиэлэ устата үлэ туһунан үчүгэй этиилэр киириэхтэрэ. Ол эрээри барытын сыта-тура толкуйдуур наада. Эбии харчылаһар кыах үөскүө, бэйэ дьыалатын тэриниигэ табыгастаах кэм.

Ыйааһын

Чугас дьоҥҥун кытта алтыһар кэмиҥ. Бу күннэргэ туохтааҕар даҕаны өйөбүлгэ наадыйаҕын. Аһаҕас кэпсэтии, санаа үллэстии олус туһалыаҕа.

Скорпион

Саҥа билсиһиилэр, элбэх дьону кытта алтыһыы барыта биир нэдиэлэ устата буолуоҕа. Бастаан олус сэргэхсийиэҥ, нэдиэлэ бүтүүтэ сылайбыккын өйдүөҥ. Чуумпуга наадыйыаҥ. Онуоха айылҕаҕа тахсыы туһалыаҕа.

Охчут

Саҥа дьыалаҕа ылсыаҥ. Бастаан утаа ыарырҕатыаҥ, ол эрээри туруоруммут сыалгын ситиһэргэр чугас дьонуҥ өйөбүллэрэ көмө буолуоҕа.

Чубуку

Бэйэҕин харыстана сырыт. Ол эрээри үчүгэй кэмнэр үүммүттэр. Бу күннэргэ ис санааҕын иһит. Ыраах айаҥҥа турунар түгэни мүччү тутума.

Күрүлгэн

Уустук нэдиэлэ үүммүт. Болҕомтону ирдиир дьыаланы таах хаалларыма. Дьону кытта кэпсэтиигэ тылгын-өскүн көрүнэн саҥар. Билбэккэҕин дьону хомотуоххун сөп.

Балыктар

Уларыйыыларга бэлэмҥин. Бары дьыалаттан дуоһуйуу эрэ ылаҕын. Уустук бырайыакка ылсан ситиһиилэниэххин сөп. Бары дьыалаҕын былааннаан, санааҕын сааһылаан сырыттаххына табыллыаҥ.