Нэдиэлэтээҕи гороскоп: Муус устар 6 – муус устар 13 күннэрэ

Хой

Ситэ быһаарыллыбатах дьыаланы аһаҕас хаалларар сэрэхтээх. Онон саҕалаабыт дьыалаҕын тиһэҕэр тиэрдэн, үлэҥ түмүгүн көрөрүҥ наада. Тугу эбит атыылыаххын баҕарар буоллаххына, билигин ыксаама. Эн кэмиҥ кэлэ илик. Үп-харчы өттүгэр балыйтарыаххын сөп.

Оҕус

Доруобуйаҕын көрүнэр кэмиҥ кэлбит. Быыс булан сынньана сатаа. Дьыалабыай кэпсэтиилэри нэдиэлэ саҥата былааннаа. Төһө да үлэҕэр үтүрүйтэргин, чугас дьоҥҥун, доҕотторгун кытта быыс булан бириэмэ аныырыҥ наада.

Игирэлэр

Тумуу, дьаҥ-дьаһах киириэн сөп. Эрдэттэн битэмииннээх утахтары иһэн доруобуйаҕын бөҕөргөтөргө үлэлэс. Бу нэдиэлэҕэ атыы-эр­гиэн дьыалата табыллыыһык. Уһата-кэҥэтэ сылдьыбакка хамсаннаххына, элбэҕи барыһырыаххын сөп.

Араак

Ыраах айаҥҥа сырыттаххына, кыһалҕаҕын барытын умнар курдуккун. Ол эрээри санныгар сүгэ сылдьар кыһалҕан кылгас кэмҥэ умнуллар эрэ буоллаҕа. Тус олоххун саҥалыы хараххынан көрөрүҥ наада. Киһи эрэ барыта эйигин утары турбат.

Хахай

Дьиэ кэргэҥҥэр эриэ-дэхси. Тапталлааххын кытта ыраах айаҥҥа турунуоххун сөп. Үлэҕэ-хамнаска эппиэтинэстээх уонна аныгылыы саҥа көрүүҥ ситиһиини эрэ аҕалыа. Ол эрээри, аһары холкутаама. Эн кыттыгаһа суох быһаарыллыбат дьыала элбэх.

Кыыс

Нэдиэлэ саҥата уустуктардаах буо­луоҕа. Аймахтаргын кытта харчыттан сылтаан өйдөспөт буолуу баар. Киһи кыһалҕата  ардыгар кини толкуйуттан эмиэ тутулуктааҕын өйдүөҕүн.

Ыйааһын

Сааскы салгыҥҥа талаһаҕын, Барыаххын-кэлиэххин саныыгын. Онуоха дьиэ-уот кыһалҕата илиигин-атаххын баайар. Чугас дьоҥҥун, доҕотторгун кытта айылҕаҕа тахсыы туһалаах буолуоҕа.

Скорпион

Үпкэ-харчыга сыһыаннаах быһаарыныылары билигин ылымматыҥ ордук.  Ол кэриэтин дьиэ ис-тас үлэтигэр ылсан үлэлээтэххинэ быдан туһалаах буолуоҕа. Нэдиэлэ устата чуумпутук, бүгэн сырыт.

Охчут

Аҕам саастаах чугас дьонуҥ болҕомтоҕор наадыйаллар. Үп-харчы өттүнэн көмөлөһүөххүн сөп. Дьону кытта сыһыаннаһыыга, уопсайынан, болҕомтолоох буол. Ол эрээри, ис санааҥ кистэлин арыйыма.

Чубуку

Былаанныы-былаанныы уталытан иһэртэн кыһалҕа быһаарыллан испэт. Санаатыҥ даҕаны оҥоруоххун наада. Үп-харчы кыһалҕата быһаарыллара бэйэҕиттэн улахан тутулуктаах.

Күрүлгэн

Санааҕын сааһыланнаххына, барыта орун оннугар буолуоҕа. Тутууга, тиэхиньикэҕэ сыһыаннаах күрүлгэннэр өр санаабыт ыраҕытын олоххо киллэриэххитин сөп. Дуогабар баттаһарга, улахан мал-сал атыылаһарга  тоҕоостоох кэм.

Балыктар

Дьону кытта табан сыһыаннаһыы – балык бэлиэлээхтэр сүрүн хаачыс­тыбалара. Майгыҥ бу хаачыстыбата дьыалабыай кэпсэтиилэргэ көмөлөһүөҕэ. Бу күннэргэ өр көрсүбэтэх дьоҥҥун көрсөн сэргэхсийиэҥ, эбии харчылаһар суолу тобулуоҥ.