Нэдиэлэтээҕи гороскоп (олунньу 13-20 күннэрэ)

Хой

Социальнай ситиминэн аһара үлүһүйэр, онон эрэ дуоһуйар буолбуккун. Дьиҥ олоҕуҥ аттыгынан элэҥнээн ааһаары гыммыт. Дьиэ кэргэниҥ, төлөммөтөх иэстэриҥ санааҕын баттыыллар. Элбэх дьонноох-сэргэлээх сирдэргэ сылдьан сэргэхсийиэххин наада.

Оҕус

Бу күннэргэ биисинэс, харчы-үп эйгэтигэр дуогабар түһэрсэргэр сэрэхтээх буоларыҥ наада. Билбэт дьоҥҥор аһара итэҕэйэр үчүгэйгэ тиэрдибэт. Доруобуйаҕын көрүнэ сырыт, үгүстүк салгыҥҥа сырыт.

Игирэлэр

Уһуну-киэҥи толкуйдаан, ардыгар санааҥ оонньуур буолбут. Бэйэ дьыалатын аһар туһунан толкуй киириэн сөп. Эбии үөрэххэ сылдьыы туохха да мэһэйдиэ суоҕа. Кэлиҥҥи кэмҥэ аһара кыраттан ньиэрбинэйдиир, тугу да тулуйан истибэт буолбуккун.

Араак

Бу нэдиэлэ олус өрө күүрүүлээх, элбэх барыылаах-кэлиилээх буолууһу. Ол эрээри, дьыалаҕын барытын ситтэххинэ, онтон бэйэҥ астыныаҥ. Үп-харчы да дьыалатыгар табыллыаҥ.

Хахай

Тапталлаахтарга үтүө кэм үүммүт. Барыта табыллар, санаа хоту. Саҥа мал-сал атыылаһан дьиэҕин тупсарыаххын сөп. Соһуччу бэлэх тутан долгуйан да ылыаҥ.

Кыыс

Аһара үлэһит, бүгүрү майгылааххын. Ол эрээри, наһаа элбэх ордук хоһу саҥарар дьикти кэмэлдьилээххин. Чугас дьоҥҥун тэйитиэххин сөп. Олоххо барыта харчынан кэмнэммэт. Дьону кытта эйэҕэс сыһыаны олохтуурга дьулус.

Ыйааһын

Ааҕары-суоттууру сөбүлүүгүн, ол эрээри ардыгар аһара ыһыктынан, солуута суох мээнэ атыылаһан, харчыгын матайдыыгын. Санааҕын сааһыланан, инникигин былааннаан дьаһаннаххына эрэ, тугу эрэ суолталааҕы атыылаһыаххын эбэтэр харчы мунньуоххун сөп.

Скорпион

Күннээҕи түбүккэ ыктарыы баар. Соҕотох скорпионнар аналларын кытта билсиэхтэрин сөп. Ол эрээри, маны өйдөөбөккө хаалан, куоттаран кэбиһиэхтэрин сөп. Оттон дьиэ кэргэннээх дьон бэйэни туттуна, холкутук сылдьаллара наада.

Охчут

Кытаанах быһаарыныыны ылынарга уолдьаспыт, кирэдьиитиҥ, иэһиҥ-күүһүҥ элбээбит. Онтон санааҥ тууйуллар. Тугу эрэ толкуйдаан, саҥа хайысханы тутутуоххун сөп. Сүбэ-ама ыларга, духуобунас өттүнэн үрдүүргэ сөптөөх кэм.

Чубуку

Аһара найыламмыккын, санааҕын сааһыламмаккын. Бу быһыыҥ-майгыҥ тус эрэ олоххор буолбакка, үлэҕэр-хамнаскар охсуон сөп. Хас хардыыгын былааннаан сырыт. Нэдиэлэ ортото үчүгэй сонуну истиэҥ. Тапталлааххар болҕомтото уур.

Күрүлгэн

Саҥа нэдиэлэ ситиһиилээх буолууһу. Ол барыта бэйэҕиттэн тутулуктаах. Кэтэһэн баран олордоххуна, туох да сатаммата чахчы. Онон харчы, тус былаан туһугар, саатар, дьиэттэн тахсан хаамыаххын наада.

Балыктар

Күүскүн харыстаммакка үлэлээбит үтүөҥ төлөнөр кэмэ үүммүт. Маныаха дьоҥҥо үтүө сыһыаныҥ эмиэ үтүөнэн эргийииһик. Доруобуйаҥ этэҥҥэ. Нэдиэлэ бүтүүтэ аймахтары, доҕоттору кытта истиҥ көрсүһүүнү тэрийиэххин сөп.