Нэдиэлэтээҕи гороскоп: Олунньу 14 – 21 күннэрэ

ХОЙ
Үлэҕэ ситиһиилээх кэм. Үчүгэй этии киириэн сөп. Бу этиини сыта-тура толкуйдаа. Саҥа бырайыагы саҕалыаххын сөп. Маны сэргэ үпкэ-харчыга сыһыаннаах дьыалаҕа ситиһии күүтэр. Онон көхтөөх буол.

ОҔУС
Айаҥҥа үтүө кэм. Сынньалаҥҥын остуоруйаҕа да кубулутуоххун сөп. Оттон үлэҕинэн айаныҥ ситиһиини түстүүр. Биир санаалаахтаргын кытта бииргэ тутус, идиэйэлэрдэ, санаата атастас. Бу олус туһалаах буолуоҕа.

ИГИРЭЛЭР
Иэскин-күүскүн төлөһөн чэпчииһиккин. Эбии харчылаһар кыахтаныаҥ. Бу нэдиэлэ харчыга сыһыаннаах дьыалаҕа ситиһиини эрэннэрэр. Доруобуйаҕын тупсараргар табыгастаах кэм.

АРААК
Тус олоххор үтүө уларыйыылар күүтэллэр. Аймахтыы сыһыаны олохтуурга, тус олоҕу оҥосторго үтүө кэм. Дьиҥ сүрэх үөрүүтүн билиэҥ. Өйгүнэн санааҕынан сөп түбэһэр киһигин көрсүөххүн сөп.

ХАХАЙ
Ситиһии тосхойор кэмэ. Үлэҕэ да, тус олоххо да барытыгар бириэмэҕин тиэрдэҕин. Салалтаҥ да хайгыыр, болҕомтотун уурар. Чугас киһигин кытта истиҥ сыһыаны олохтуоххун сөп. Аһаҕас  кэпсэтии санааҕын үөрдүө.

КЫЫС

Бэйэни сайыннарарга тоҕоостоох кэм. Саҥаны саҕалыаххын, тугу эрэ айыаххын баҕараҕын. Санаабыт санааҕын олоххо киллэрэртэн куттаныма. Тулалыыр дьонуҥ-сэргэҥ да өйүүллэр.
Саҥа дьону кытта билсиэҥ, элбэҕи билиэҥ, иҥэриниэҥ.

ЫЙААҺЫН
Дьиэ кэргэҥҥэ үтүө кэм. Аймахтары кытта үтүө сыһыаны олохтуоххун, эйэлэһиэххин сөп. Биисинэс эйгэтигэр сыһыаннаах ыйааһыннар харчыга табыллыахтара. Барыстаах дуогабар да түһэрсиэххин сөп.

СКОРПИОН
Дьону кытта сыһыан олохтуурга ситиһии күүтэр. Дьону тылгар ылыннараҕын. Онон бу күннэргэ сыалгын-соруккун ситэргэр бу талааныҥ көмөлөһүө. Айан-сырыы да табыллар кэмэ.
Саҥа билсиһии истиҥ сыһыаҥҥа кубулуйуон сөп.

ОХЧУТ
Үп-харчы дьыалатыгар табыллар кэмиҥ. Латарыайаҕа да сүүйүөххүн, соһуччу бэлэх да тутуоххун сөп. Үлэ үгэниттэн быыс булан сынньаныаххын баҕараҕын. Барытын үчүгэйдик
былааннаатаххына, санаабытыҥ хоту буолуоҕа.

ЧУБУКУ
Дьыалабыай сыһыаннаһыыга ситиһии күүтэр. Салалтаны, кэллиэгэлэри кытта уопсай тылы түргэнник булуоҥ. Онон хорсуннук бары дьыалаҕа ылсан иһэр наадатын сулустар бэлиэтииллэр.

КҮРҮЛГЭН
Барыта этэҥҥэ. Ол эрээри олоххо соруктаргын ардыгар сыыһа туруораҥҥын сыыһаны-халтыны оҥороҕун. Дьону кытта тыл-тылга киирсибэт буолуоххун сөп. Онон дьону кытта уопса
тылы булар туһуттан олоҕу кытта тэҥҥэ хардыылыыр көмөлөһүөҕэ.

БАЛЫКТАР
Интэриэһинэй көрсүһүүлэр, доҕордуу сыһыан күүтэр. Хамаанданан үлэҕэ табыллыаҥ. Ол эрээри нэдиэлэ ортото сэрэхтээх буолуу ирдэнэр. Тус сыалгын-соруккун ыһа-тоҕо кэпсээмэ. Дьон өйдөөмүөн сөп.