Нэдиэлэтээҕи гороскоп. Олунньу 16–23 күннэрэ

Share

ХОЙ

Үлэҕэр-хамнаскар болҕомто уурарга уолдьаспыт. Салалтаҥ, кэллиэ­гэлэриҥ эн үлэҕинэн астымматтар. Оттон эйиэхэ сүрэҕиҥ сыппат дьыалатынан дьарыктанар наада дуо? Өйгүн-санааҕын сааһыланаргар, инникигин толкуйдуургар сөптөөх бириэмэ.

ОҔУС

Тус санааҕын сааһыланан олоххо көрүүгүн анаалыстаныаххын наада. Нэдиэлэ ортото туох эрэ кистэлэҥи билиэххин сөп. Бастаан утаа эйигиттэн наадалааҕы кистээбиттэрин хомойо истиэҥ. Дьон эрэлин ыларга дьулус.

ИГИРЭЛЭР

Тас көрүҥҥүн тупсарынар туһунан санаа киириэ. Успуорт саалаҕа дьарыкка сылдьыаххын саныыгын. Ол эрээри тус бэйэҕэр, дьиэ кэргэҥҥэр бириэмэ тиийбэт курдук. Оттон бириэмэ хаһан да тиийбэт уонна кими да күүппэт.

АРААК

Чугас дьоҥҥуттан аһары элбэҕи ирдиигин. Олоххо барыта эн эрэ баҕаҕынан буолбат. Нэдиэлэ ортото доруобуйаҥ арыый мөлтөөбүтүҥ билиэҥ, санааҥ түһүө. Кэлиҥҥи кэмҥэ аһары кыраттан санааҕын түһэрэҕин. Кыайар эрэ үлэҕин эбээһинэскэ ыла сатаа.

ХАХАЙ

Кыыһырсыыны, айдааны олох сөбүлээбэккин. Ол эрээри нэдиэлэ саҥата мантан куотунар кыаллыа суох. Тирээн кэлбит кыһалҕаны быһаарыаххын наада буоллаҕа. Ол эрээри бэйэ санаатын аһаҕастык этэртэн толлума.

КЫЫС

Нэдиэлэ саҥата дьоһуннаах дьыалаҕа ылсыыһыккын. Эн сүбэҕэр наадыйааччы да үгүс буолуо. Ол эрээри аһары билээҕимсийэн эбэтэр улаатымсыйан аны дьону тэйитиэххин сөп. Ол кэриэтин сэмэйдик сылдьыбытыҥ көнө.

ЫЙААҺЫН

Быһаарыныы ылынаргар, улахан мал-сал атыылаһаргар өрүү саарбахтыыгын, дьон сүбэтигэр наады­йаҕын. Бу сырыыга кими да истимэ. Тугу наадалаах диэбиккин оҥорор бырааптааххын. Тас көрүҥҥүн тупсарынаргар то­­ҕоостоох күннэр.

СКОРПИОН

Аҕыйах саҥа, элбэх дьыала диэн санааны тутустаххына элбэҕи ситиһиэҥ. Үөрэххэр, үлэҕэр болҕомто уураргар уолдьаспыт. Аһары ыһыктынан кэбиспит курдуккун. Нэдиэлэ бүтүүтэ өр көрсүбэтэх дьоҥҥун көрсүөҥ, дуоһуйа сэлэһиэҥ.

ОХЧУТ

Сынньалаҥҥа наадыйаҕын. Чугас дьоҥҥор санааҕын этэн көмө көрдүөххүн сөп. Истиҥ тыл, сы­­лаас сыһыан барытын тупсарар, кыа­йар кыахтаах. Айылҕаҕа сылдьыы, биир санаалаахтаргын кытта алтыһыы санааҕын кынаттыа.

ЧУБУКУ

Саарбахтыыр санааҕын киэр кыйдаа. Нэдиэлэ устата былааннаммыт дьыалаҕын ситиһэргэ кыһалын. Ардыгар ыһыктынан кэбиһиэххин, тугу да гыммакка сытыаххын саныыгын. Ол эрээри бэйэ бодотун тардыныы дьэ, манна наада!

КҮРҮЛГЭН

Саҥа үчүгэй этиилэр киирииһиктэр. Тута сөбүлэһэргэ ыксаама. Уу аннынааҕы таастар эн хараххар көстүбэттэр. Дьыалаҕа эппиэтинэс­тээх сыһыан нэдиэлэ бүтүүтэ ситиһиини түстүөн сөп.

БАЛЫКТАР

Дьиэ кэргэҥҥэр соччото суох балаһыанньа күннээҕи былааҥ­ҥын ыһыан сөп. Өйдөспөт түгэнтэн санааҥ да түһэн ылыыһык. Нэдиэлэ ортото доруобуйаҕын тупсарынар туһунан толкуйуҥ ситиһиилээх буолуоҕа.

What’s your Reaction?
+1
1
+1
0
+1
0
+1
0
+1
1
+1
0
+1
1

Recent Posts

  • Сонуннар
  • Уопсастыба

Өлүөхүмэҕэ балаһыанньа билигин даҕаны уустук

Өлүөхүмэҕэ балаһыанньа билигин даҕаны уустугун уу түһэ илигэ  туоһулуур. Билигин нэһилиэнньэҕэ бастакы ирдэнэр малы, ону…

8 часов ago
  • Сонуннар
  • Сүрүн

Ил Дархан спортивнай эбийиэктэр өрөмүөннэрин көрдө-иһиттэ

Ил Дархан Айсен Николаев VIII норуоттар икки ардыларынааҕы «Азия оҕолоро» спортивнай оонньуулар ыытыллыахтаах эбийиэктэрин кэрийэн…

9 часов ago
  • Сонуннар

«Азия оҕолоро» оонньуулар ыытыллар эбийиэктэригэр террору утары үлэҕэ ирдэбил туһунан мунньах буолла

«Азия оҕолоро» спортивнай  оонньуулар ыытыллар эбийиэктэригэр террортан куттал суох буолуутун хааччыйар кэккэ боппуруоһу анал хамыыһыйа…

10 часов ago
  • Сонуннар
  • Уопсастыба

Өлүөхүмэ улууһугар ууга былдьаммыт нэһилиэктэр бүгүҥҥү туруктара хайдаҕый?

Өлүөнэ өрүскэ муус харыыта тахсан, көрүөх бэтэрээ өттүгэр уу таһыма үрдээн, Өлүөхүмэ улууһун хас даҕаны…

11 часов ago
  • Интэриэһинэй
  • Сонуннар

Паромнар хаһааҥҥыттан сылдьыахтарай?

Өлүөнэ мууһа  бүгүҥҥү туругунан Хаҥалас улууһунан устар. Онон сотору кэминэн суудуналар сырыылара саҕаланыаҕа. СИА суруйарынан,…

11 часов ago
  • Сонуннар
  • Сүрүн

Ньурбаҕа халыҥ мууһу дэлби тэптэриэхтэрэ

Ыксаллаах быһыы-майгы Өлүөхүмэ уонна Ньурба улуустарыгар муниципальнай таһымҥа биллэриллэн, бу оройуоннарга тыҥааһыннаах кэм үүннэ. --…

12 часов ago