Нэдиэлэтээҕи гороскоп: олунньу 21-28 күннэрэ

Сулустар тугу кэпсииллэр? Нэдиэлээтээҕи гороскоп тугу этэр эбитий?

Хой

Саҥа саҕалааһыҥҥа ситиһии күүтэр. Онон түгэни мүччү тутума. Арай аһары ыксыыргыттан, болҕомтото суох буолуугуттан сыыһаны-халтыны оҥоруоххун сөп. Онон былааҥҥын чопчу сааһыланарыҥ ордук. Чугас дьоҥҥун кытта сыһыаны харыстаа.

Оҕус

Нэдиэлэ саҥата сөптөөхтүк былааннанан үлэҕин-хамнаскын саҕалаатаххына, үгүһү ситиһиэҥ. Дьиэ кэргэҥҥэр аһаҕас кэпсэтии көмөлөһүөҕэ. Ардыгар өйдөспөт түгэннэр үөскээн ылыахтарын сөп. Ол эрээри нэдиэлэ ортото барыта этэҥҥэ буолуоҕа.

Игирэлэр

Үгүс тэрээһин, барыы-кэлии күүтэр. Уһун болдьохтоох былааны эрдэттэн олоххо киллэрэр наада. Үп-харчы өттүгэр быһаарыныылаах буолуу ирдэнэр. Маннык түгэҥҥэ холкутаан хааллаххына, үчүгэй түгэни мүччү тутуоххун сөп. Тус олоххор этэҥҥэ. Дьон болҕомтотун тардаҕын.

Араак

Ситиһиилээх нэдиэлэ үүммүт. Арыый бэйэмсэх буолуу мэһэйдээбэт. Саҥа дьыаланы саҕалыырга биир өйдөөх-санаалаах дьоҥҥун кытта уопсай сүбэнэн ылсарыҥ ордук. Ороскуоккун аччата сатаа, харчыгын кэмчилээ.

Хахай

Эньиэргийэҥ аһары элбэх. Былааныҥ да киэҥ. Үп-харчы дьыалатын быһаа­рынаргар тоҕоостоох түгэн тосхо­йуо. Ыраах айаҥҥа турунуу ситиһиини түстүүр. Тус олоххор барыта үчүгэй курдук эрээри, ис дьиҥэр, өйдөспөт түгэн элбэх.

Кыыс

Олоҕу арыый судургутук ылына сатаа. Салалтаҕын кытта иирсээҥҥэ киирбэккэ, чуумпутук сырыт. Ис кыаххын туһанан саҥа тугу эрэ арыйыаххын сөп. Бу биисинэскин сайыннараргар, киһи быһыытынан үүнэргэр көмөлөһүөҕэ.

Ыйааһын

Тус олоҕуҥ, үлэҥ дьыалатын нэдиэлэ саҥата түмүктүү, оһоро сатаа. Дьону кытта сыһыаҥҥа арыый тулуур­даах буолуу көмөлөһүөҕэ. Ис санааҕын, туруккун ыһа-тоҕо кэпсээмэ. Нэдиэлэ бүтүүтэ тас көрүҥҥүн тупсарынаргар, успуордунан дьарыктанаргар сөптөөх кэм.

Скорпион

Үгүс көрсүһүүлээх, барыылаах-кэлии­лээх нэдиэлэ үүммүт. Чугас киһиҥ сыһыана тоҥуй буоллаҕына, икки ардыгытыгар истиҥ сыһыан сүппүт буоллаҕына, бэйэ-бэйэҕэ бириэмэ биэрэр наадатын өйдүөҕүҥ.

Охчут

Үчүгэй уларыйыылар күүтэллэр. Ол эрээри дьону кытта сыһыаҥҥа аҥаардас бэйэҥ эрэ көрүүгүн соҥноомо. Айар үлэҕэр ситиһиилээх кэм. Саҥа идиэйэ­лэр кии­рэллэр. Арай тус олоххор чуумпу кэм.

Чубуку

Үп-харчы өттүгэр үчүгэй кэм. Дуогабар түһэрсии, эбии дохуот булунуу санаа­ҕын үөрдүө. Чугас киһигин кытта сыһыаны харыстаа. Кыра аайыттан кыыһырсар үчүгэйгэ тиэрдибэт.

Күрүлгэн

Уустук нэдиэлэ үүммүт. Ньиэрбэҕин, сүрэххин харыстаа. Аһары үлэнэн үлүһүйэн доруобуйаҕар да оҕустарыаххын сөп. Ол кэриэтин айылҕаҕа, сибиэһэй салгыҥҥа хаамыы туһалаах буолуоҕа.

Балыктар

Үлэҕинэн үрдүүргэр табыгастаах кэм үүнүөҕэ.  Онон нэдиэлэ устата бэ­­йэҕин үтүө өттүнэн көрдөрө сатаа. Ыраах айаҥҥа турунуу ситиһиини түстүүр.  Нэдиэлэ саҥата отчуот туттарартан туттунуҥ. Нэдиэлэ бүтүүтэ үп-харчы дьыалатыгар табыллыы күүтэр.