Нэдиэлэтээҕи гороскоп: олунньу 7 – олунньу 13 күннэрэ

Хой
Нэдиэлэ саҕаланыыта үлэҕэ-үөрэххэ табыгастаах. Сэрэдэттэн үп-харчы өттүгэр ситиһиилэр күүтэллэр. Бээтинсэҕэ таптал эйгэтигэр үчүгэй түгэннэр үүнүөхтэрэ. Субуотаҕа дьиэ кэргэни иһирэх истиҥ кэпсэтии күүтэр.

Оҕус
Нэдиэлэ ортотугар диэри урут быһаарыллыбатах боппуруостары быһаарыыга ылсыаҥ. Чэппиэргэ үлэҕэр саҥа саҕахтар арыллыахтара. Доҕоттору кытта көрсүһүү күүтэр. Өрөбүллэргэ дьиэ кэргэҥҥин кытта сынньана айылҕаҕа сылдьыаххын, салгын сиэххин сөп.

Игирэлэр
Нэдиэлэ саҥата айар үлэҕэ талааныҥ арыллан сөхтөрүө. Духуобунай өттүнэн сайдаргар тоҕоостоох кэм. Сэрэдэттэн билии-көрүү эйгэтигэр саҥа кыах арыллыа, эбии үөрэххэ, кууруска сыдьыаххын сөп.

Араак
Бу нэдиэлэни дьиэ кэргэҥҥэ, чугас дьону кытта сыһыаны тупсарыыга аныырыҥ ордук. Бээтинсэҕэ үп-харчы өттүгэр ситиһиилэр күүтэллэр. Субуотаҕа доҕоттору кытта көрсүһүү табыллыаҕа.

Хахай
Салайар үлэҕэ тоҕоостоох кэм үүммүт. Үлэҕин, дуоһунаскын уларытыаххын сөп. Дьон болҕомтотун ылар кэмиҥ. Нэдиэлэ бүтүүтэ саҥа билсиһии күүтэр. Билсиһии сатаннаҕына, доҕордоһууга кубулуйуон сөп.

Кыыс
Бу күннэргэ доруобуйа­ҕар болҕомтото уур. Үөрэххэ-билиигэ кыһам­ньыҥ ситиһиини түстүөҕэ. Бээтинсэҕэ үлэҕэр саҥа бырайыактары саҕалыаххын сөп. Бу күннэргэ сынньана уонна улахан эбээһинэстэртэн босхолоно сатаа.

Ыйааһын
Нэдиэлэ саҕаланыыта үөрэххэ, үлэҕэ ситиһии күүтэр. Нэдиэлэ ортотуттан үп-харчы балаһыанньата тупсуоҕа. Доҕоттору, чугас дьону кытта көрсүһүү ситиһиини, үөрүүнү түстүөҕэ.

Скорпион
Бу нэдиэлэ устата үп-харчы боппуруостарын быһаарарга тоҕоостоох. Нэдиэлэ ортото таптал, истиҥ иэйии үөскүөн сөп. Үлэҕэ да куһаҕана суох нэдиэлэ үүммүт. Дьону кытта сыһыаннаһыыга болҕомтолоох буолуу ирдэнэр.

Охчут
Нэдиэлэ бастакы аҥаарыгар айар үлэҕэ, айаҥҥа табыгастаах кэмнэр. Саҥа бырайыактары толкуйдуох­хун, олоххо киллэриэххин сөп. Былааннаммыт соруктары ситиһэргэ үтүө кэм. Кирэдьиит киирэртэн туттунар наада.

Чубуку
Үлэттэн ордук үөрүү суох курдук, ол эрээри ис туругуҥ сылайбытын өйдүөҕүҥ. Сынньалаҥҥа, дууһалыын уоскуйууга наадыйаҕын. Онон сөбүлүүр дьыалаҕынан ылсарыҥ, айар үлэнэн үлүһүйэриҥ үтүөнү эрэ түстүөҕэ.

Күрүлгэн
Билии-көрүү, барыы-кэлии нэдиэлэтэ үүммүт. Барытыгар олус көхтөөххүн. Ол эрээри харчыга сыһыаннаах дьыалаҕа сэрэхтээх буол, харыс­таан тутун, иэс биэримэ. Тус олоххор улары­йыы суох.

Балыктар
Нэдиэлэни дьиэ кэргэҥҥэ аныыр туһалаах буолуо. Аһары үлэнэн, үөрэҕинэн үлүһүйэн чугас дьоҥҥуттан тэйэ быһыытыйбыккын. Нэдиэлэ ортотуттан саҥа бырайыактарга ылсыаххын сөп. Дьону кытта эйэҕэс буол, доруобуйаҕын көрүнэ сырыт.