Нэдиэлэтээҕи гороскоп: олунньу 9–16 күннэрэ

Хой

Тугу ылсыбытыҥ табыллар кэмэ. Онон бу кэми сөптөөхтүк туһаныаххын наада. Үлэҕэр, тус олоххор табыллар кэм. Кистэлэҥҥин ыһа-тоҕо кэпсээмэ, нэдиэлэ ортото дьылҕаҕар суолталаах көрсүһүү күүтэр.

Оҕус

Нэдиэлэ саҥата дьиэҕэ-уокка сыһыаннаах кыһалҕаны быһаарарга тоҕоостоох кэм. Ол эрээри, сэрэхтээх буолар ирдэнэр. Ханнык да түгэҥҥэ ыксаллаах быһаарыныыны ылымматыҥ ордук.

Игирэлэр

Нэдиэлэ саҥата Марс эн бэлиэ­ҕэр Хирону кытта холбоһор. Онон айар үлэҕэр, бары дьыалаҕар саҥа күүһү, сэниэни биэриэҕэ. Онон бу кэми биисинэскэ сыһыаннаах буол­лаххына толору туһаныаххын сөп. Оттон тус олоххор сыһыаннаах дьыалаҕа ыксаабатыҥ ордук.

Араак

Ый Венераны кытта силбэһэр. Онон нэдиэлэ устата уйулҕа өттүнэн сайдаргар, оҕолору кытта кыһалҕа­лаах дьыаланы быһаарарга тоҕоос­тоох кэм. Үп-харчы дьыалатын быһаарарга нэдиэ­лэ бүтүүтэ табыгастаах буолуоҕа.

Хахай

Түмүк таһаарар кэм. Тоҕо саҕалаа­быт дьыалаҕын тиһэҕэр тиэрдибэтэххин, чугас дьоҥҥун кытта сыһыаныҥ тыҥаабытын барытын ырытыһаргар сөп буолбут. Онон санааҕын сааһыланыаххын наада.

Кыыс

Үөрүүлээх түгэннэр күүтэллэр. Саас кыыс бэлиэлээхтэргэ эрдэлээбит. Ол эрээри бары иллэҥ бириэмэҕин тус олоххор аныырыҥ соччото суох. Үлэҕэр-хамнаскар эмиэ болҕомто ууруоххун наада диэн сулустар сүбэлииллэр.

Ыйааһын

Тургутуу кэмэ. Буола турар быһыыга-майгыга атын өттүнэн киирэн кыһалҕаны быһаарыаххын сөп. Барыта олус түргэнник утуу-субуу ааһар курдук. Бириэмэҕин сатаан аттарыммат да курдуккун. Бу барыта бэйэҥ төбөҕөр баар кыһалҕа.

Скорпион

Үлэҕинэн үрдүүргэр, дьон убаастабылын ыларгар тоҕоостоох кэм. Ол эрээри тус олоххор тохтооһун көстөр. Быһаарыыта суоххуттан чугас киһигин хомотор эбиккин.

Охчут

Аймахтар кыһалҕалара эйиэхэ эбии ноҕурууска буолбут. Ол эрээри, тус бэйэҕин эмиэ саныаххын наада. Дьон эрэ туһугар кыһаллан баран нэдиэлэ бүтүүтэ сылайан хаалан тугу да гыныаххын баҕарбат буолаҕын. Бу эйиэхэ наада дуо?

Чубуку

Бу нэдиэлэ бары кыһалҕаны биирдэ, судургутук быһаарарга табы­гастаах буолуоҕа. Ол эрээри, харчыга сыһыаннаах дьыалаҕа сэрэхтээх буолуҥ. Билбэт дьыалаҕар ылсыма, кирэ­дьииккэ кииримэ.

Күрүлгэн

Нэдиэлэ саҥата уустук кэм. Кыра да хаҕыс сыһыантан хомойоҕун, барытын аһары чугастык ылынаҕын. Нэдиэлэ ортотуттан арыый холкутуйуоҥ. Меркурий эн бэлиэҕэр сыҕарыйан, санааҥ да кэҥиэҕэ. Искэр ыгыллар санааҥ ханна да суох буолуоҕа.

Балыктар

Үлэҕэр-хамнаскар уларыйыылар күүтэллэр. Бу кэми чугас дьоҥҥор аныырыҥ ордук. Бу нэдиэлэ устата Нептун дьайыытын күүһүттэн барыга-бары итэҕэйэр, тас эйгэни интэриэ­һиргиир буолуоххун сөп. Интэриэһиргиир дьоҕургун наадалаахха туһаайарыҥ ордук.