Нэдиэлэтээҕи гороскоп (от ыйын 12-19 күннэрэ)

Хас биирдиибит син биир кэмиттэн кэмигэр сулустар тугу сипсийэллэрин билээри гороскобу көрөр буолуохтааххыт. Онон кэлэр нэдиэлэҕэ сулустар туох кэрэни, үтүөнү эбэтэр ыарахан түгэннэри түстүүллэрин сырдатабыт.

ХОЙ

Бу нэдиэлэҕэ аан дойдуну баһылыырга бэлэм дьиҥнээх дьоруой курдук сананыаҥ. Ол гынан баран, сэрэхтээх буол, биир күҥҥэ наһаа элбэҕи ситиһэ сатаама. Ханнык да түгэҥҥэ тапталыҥ эйиэхэ чугас.

ОҔУС

Туох эрэ сонуну, дьиктини оҥорорго кыһалын, оччоҕо бэйэҕэр саҥа саҕахтары арыйыаҥ. Ол эрээри, дьиэҕэр, чугас дьонуҥ аттыгар баар буоларгын умнума.

ИГИРЭЛЭР

Төһө да үгүс үлэлээҕиҥ иһин, сынньанаргын уонна доруобуйаҕар кыһалларгын умнума.

Онуоха сынньанаргар уонна баар кыһалҕаларгын умнаргар саҥа дьарыгы булан ылыаххын сөп. Бүтэн биэрбэт урукку сырыыларгынан иккис аҥааргын сылатыма.

АРААК

Бэйэҥ чугас дьоҥҥун уонна кинилэр эйгэлэрин харыстыыр сүрүн киһи буола сылдьаҕын. Онуоха саҥа билсиһиилэр мэһэйдээбэттэр,алтыһар эйгэҕин кэҥэт.

ХАХАЙ

Тус олоххор олус күнүүһүт уонна олоҕуҥ аргыһын хас биирдии хардыытын кэтии-маныы сылдьар турукка киириэххин сөп. Ол гынан баран, сулустар этэллэринэн, дьиҥэр эһиги тапталгыт күүстээх.

КЫЫС

Олоххо кыратык чэпчэкитик сыһыаннаһа үөрэн, оччоҕо соһуччу суоллар арыллыахтара.

ЫЙААҺЫН

Оннооҕор ардыгар судьуйалар алҕаһыыллар, онон бэйэҕэр наһаа элбэх эппиэтинэһи сүгүмэ. Таптал сыһыаныгар олус ирдэбиллээх буолума, араас усулуобуйаны туруорума.

СКОРПИОН

Бу нэдиэлэҕэ араас түбэлтэлэр уонна соһуччу түгэннэр күүтэллэр. Уопсайынан, санаа хамначчыта буолума. Соҕотох буоллаххына, олоҕуҥ аргыһа буолуохтаах киһигин уулуссаҕа көрсө түһүөххүн сөп.

ОХЧУТ

Олоххо үчүгэйи эрэ таба көр, хас биирдии күнтэн үөр, дьоллон. Ол эбэтэр, үлэҕэ аһара умса түһүмэ.

ЧУБУКУ

Бу нэдиэлэ ситиһии нэдиэлэтинэн буолуон сөп. Саҥа үлэни булуоххун эбэтэр сүүйүүлээх оонньууга табыллыаххын сөп. Ол эрээри, бэйэҕэр наһаа эрэнимэ.

КҮРҮЛГЭН

Бу нэдиэлэҕэ ууга сылдьар балык курдук сананыаҥ. Уу бэлиэлээхтэр ардыгар олохторун уларытыахтарын баҕараллар. Санааларгын сааһылаары, күүс-уох ылынаары күннээҕи эрэсиимҥин уларытан көр.

БАЛЫКТАР

Бу нэдиэлэҕэ элбэхтик айылҕаҕа сырыт, компаскын, каартаҕын умнума. Байанайыҥ мүчүк гынар түгэннэрэ үөскүөхтэрэ. Сэрэн, бэйэҥ санааларгар наһаа умсан хаалаайаҕын.