Нэдиэлэтээҕи гороскоп (от ыйын 19-25 күннэрэ)

 Хой

Үүммүт нэдиэлэҕэ саҥа билсиһиилэр, элбэх кэпсэтиилэр, көрсүһүүлэр күүтэллэр. Үгүс хойдор туох эрэ саҥаны билэргэ-көрөргө баҕалара күүһүрүөҕэ.

Оҕус

Оҕус бэлиэлээх дьоҥҥо үп-харчы өттүнэн баай-талым нэдиэлэ үүнүөҕэ. Саҥа үлэҕэ, саҥа бырайыакка киирэргэ этии киириэн сөп. Онно үчүгэй хамнаһы төлүөхтэрэ. Быстах кэмнээх үлэ буолуон сөп. Онон, олоххо буолар уларыйыылар үтүө эрэ өрүттэрдээх буолалларын умнумаҥ.

Игирэлэр

Саҥа күүс-уох, эниэргийэ эбиллибитин курдук сананыаххыт. Үгүс былааннаргыт судургутук олоххо киириэхтэрин сөп. Сорох игирэ бэлиэлээхтэр ханнык эрэ бырайыагы салайан үлэлэтэн, ситиһиилэниэхтэрэ. Онон, болҕомто киинигэр сылдьыаххыт.

Араак

Олоххо көрүүгүт, инники сыалгыт-соруккут уларыйыан сөп. Инньэ гынан, саҥа сыаллары туруорунан, саҥа доҕоттордонуоххут, хоббиланыаххыт.

Хахай

Хахайдар кэлэр нэдиэлэҕэ чуҥкуйуохтара, саҥа сүүрээннэри тобула сатыахтара. Сулумах хахайдары саҥа билсиһии күүтэр.

Кыыс

Кыыс бэлиэлээхтэри үлэҕэ-хамнаска уларыйыы күүтэр. Тапталлаахтары дьоһун кэпсэтии күүтэр. Сыһыаҥҥа саарбахтыыр буоллаххытына, билигин инникитин туох-хайдах буоларгыт чуолкайданыаҕа.

Ыйааһын

Соһуччу ыраах айан күүтэр. Кыраныысса таһыгар даҕаны айанныаххытын сөп. Бу күннэргэ романтическай билсиһиилэр күүтэллэр. Үп-харчы сэрэҕи эрэйэр, нэдиэлэ саҥата иэс биэримэ.

Скорпион

Скорпионнарга олохторугар, үлэлэригэр сыһыаннаах барыстаах, табыгастаах этии киириэн сөп. Нэдиэлэ саҥата урут билсэ сылдьыбыт киһигин кытта көрсүһүү буолуо. Үп-харчы үөрдүө: урукку инвестиция көдьүүстээх буолуоҕа.

Охчут

Олоххут аҥаарын, бииргэ үлэлиир дьоҥҥутун кытары сыһыаҥҥа туох эрэ саҥа сүүрээн баар буолуоҕа. Холобур, кэргэҥҥитин, таптыыр киһигитин кытары ханна эрэ баран күүлэйдээн бириэмэҕитин атаардаххытына, дуоһуйууну ылыаххыт.

Чубуку

Үлэҕэ, биисинэскэ туох эрэ уларытыыны киллэриэххитин баҕарыаххыт. Үп-харчы туруктанар кэмэ, урукку иэскит төннүөҕэ. Саҥа эбээһинэстэртэн куттанымаҥ. Бу күннэргэ доруобуйаҕытыгар, ордук сүһүөхтэргитигэр, болҕомтону ууруҥ.

Күрүлгэн

Нэдиэлэ саҥата эһигини соһуччу билсиһии күүтэр. Бу инники олоххутугар тосту уларытыыны киллэриэн сөп. Үлэҕэ барыта этэҥҥэ.

Балыктар

Дьиэҕитин-уоккутун уларытыаххытын, туох эмит саҥа миэбэл ылыаххытын, өрөмүөн ыытыаххытын баҕарыаххыт. Соһуччу бэлэх тутуоххутун сөп.