Нэдиэлэтээҕи гороскоп: от ыйын 20 — 27 күннэрэ

Хой

Уоппуска ылан сынньана дуоһуйар кэмиҥ. Оҕолоруҥ туспа санаалаах, туспа эйгэлээх буолбуттар. Куруук кыра оҕолор курдук бүөбэйдии үөрэммитиҥ бастаан утаа сыһыаҥҥытын уустугурдуон сөп.

Оҕус

Элбэх дьонноох сиргэ сылдьыбакка, бүөм соҕустук чугас дьоҥҥун кытта айылҕаҕа сылдьыаххын сөп. Сир да аһыттан матыаҥ суоҕа. Арай хааныҥ эргиирин кэтээн көрөрүҥ наада. Наһаа итиигэ таһырдьа сылдьыма.

Игирэлэр

Эн тускунан дьон ырытар, кэпсэтэр эбит. Хас биирдии киһиэхэ сөбүлэтэр уустук. Онон тылга-өскө киирбэккэ, чуумпутук сылдьарыҥ бэйэҕэр туһалаах буолуоҕа.

Араак

Суолга турунуоххун сөп. Ол айаныҥ олус кэрэхсэбиллээх буолуоҕа. Саҥа дьону кытта билсиһииҥ күүстээх доҕордоһууга кубулуйуон сөп.

Хахай

Дьону кытта сыһыаннаһыыга арыый туттунарыҥ наада. Эйигин наһаа ыгым, ыксаллаах курдук дьон ылыныытын арыый уларытарга дьулус.

Кыыс

Үпкэ-харчыга сыһыаннаах дьыалаларга сэрэнэ соҕус сыһыаннас. Докумуон, илии баттаһыы улахан эппиэтинэһи күүтэр. Улахан малы-салы атыылаһартан туттунарыҥ ордук.

Ыйааһын

Ыар санааҕа ылларыы туох да үчүгэйгэ тиэрдибэт. Онон дьону кытта аһаҕастык кэпсэтэн, туохтан муунтуйаргын үллэстиэххин наада буолбут.

Скорпион

Кистэлэҥ баҕа санааҕын толороргор олус да кыра хаалан турар. Дьиэҕэ сөптөөх мал-сал атыылаһан астыныаҥ. Ыалдьыттар кэлэн үөрдүөхтэрэ.

Охчут

Өрөмүөн үлэтэ эбэтэр атын эбии дохуот булунар кыах үөскүөҕэ. Онон киирбит этиилэри ырыҥалаан көрөн баран ылсарыҥ ордук.

Чубуку

Докумуон үлэтигэр эппиэтинэстээх үлэ күүтэр. Салалтаны кытта уустук сыһыан үөскүөн сөп. Онон наһаа бэйэҥ эрэ эппиккин өрө тутума. Уопсай тылы буларга кыһан.

Күрүлгэн

Чугас киһигин кытта өйдөспөт быһыы-майгы тахсыан сөп. Бэйэҥ эрэ эппиккин кэлиилии кэбэ турдаххына. Сыһыаҥҥыт түргэнник тымныйыан сөп. Онон бэйэ бодотун тардынарга сулустар сүбэлиилэр.

Балыктар

Үчүгэй киинэҕэ сылдьыаххын сөп. Доҕоттору кытта көрсүһүү санааҕын кынаттыа. Биисинэс эйгэтигэр саҥа хайысхалар үөскүөхтэрэ.