Нэдиэлэтээҕи гороскоп (от ыйын 25-31 күннэрэ)

Хой

Тус олоххутугар улахан болҕомтоҕутун ууруҥ. Кэргэҥҥит, тапталлааххыт тугу кэпсиирин, этэрин болҕойон истиҥ. Бу барыта сыһыаҥҥыт бөҕөргүүрүгэр үтүө эрэ өрүттээх буолуоҕа. Куһаҕан дьаллыктаргытыттан аккаастаныҥ диэн сулустар сүбэлииллэр.

Оҕус

Бу күннэргэ карьераҕытын оҥосторгутугар тоҕоостоох кэм үүммүт. Өрөбүл күннэргэ кыраадыстаах утаҕы иһэртэн аккаастаныҥ, сүүйүүлээх оонньуулартан ыраах туттунуҥ. Дьиэҕитин-уоккутун хомунуҥ, эргэ малларгытыттан босхолонуҥ.

Игирэлэр

Бу нэдиэлэҕэ игирэ бэлиэлээхтэр үчүгэйдик сынньанаргытыгар сулустар сүбэлииллэр. Айылҕаҕа сылдьыҥ, сөтүөлээҥ, табаарыстаргытын кытта көрсүҥ. Бу барыта эһиэхэ күүс-уох, эниэргийэ эбиэҕэ.

Араак

Бу күннэргэ элбэх дьонноох сиргэ сылдьартан дьалты туттунуҥ. Бириэмэҕитин чугас дьоҥҥутугар анааҥ. Доруобуйаҕытын көрүнүҥ. Нэдиэлэ бүтүүтэ тыҥааһыннаах быһыы-майгы үөскүү сылдьыан сөп.

Хахай

Тус олоххутугар урут үөскүү сылдьыбыт кыһалҕа бу күннэргэ эмиэ күөрэйэн тахсыан сөп. Ол гынан баран барыта орун оннугар буолуоҕа, этэҥҥэ быһаарыллыаҕа. Нэдиэлэ саҥата соһуччу харчыланыаххытын сөп. Ол ону тута матайдаамаҥ, уурунуҥ.

Кыыс

Бу нэдиэлэ элбэх үөрүүлээх-көтүүлээх буолуоҕа. Бырааһынньыкка ыҥырыахтарын сөп. Чугас дьоҥҥутун кытары ирэ-хоро кэпсэтиҥ диэн сулустар сүбэлииллэр. Урут кыыһырса сылдьыбыт киһигин кытта сыһыаҥҥыт тупсуоҕа. Нэдиэлэ бүтүүтэ кимиэхэ да иэс биэримэҥ.

Ыйааһын

Уларыйыы-тэлэрийии буолар нэдиэлэтэ. Барыта үчүгэй өттүгэр да буолбатар, олоххо буолар уларыйыылары наһаа күүскэ ылынымаҥ. Дьиэҕитин-уоккутун бэрээдэктээҥ, үлэҕитигэр болҕомтолоох буолуҥ. Ханна эрэ айан күүтэр.

Скорпион

Маҕаһыыҥҥа сылдьан саҥа таҥаста атыылаһыҥ, солуоҥҥа сылдьыҥ. Сулумах дьону интэриэһинэй көрсүһүү, билсиһии күүтэр. Баҕа санааларгыт туолар күннэрэ үүммүт.

Охчут

Доруобуйаҕытын көрүнүҥ. Туох эмит ыарыы сибикитэ баар буолла да, балыыһаҕа көрдөрүнүҥ. Бу нэдиэлэ ханна эрэ күүлэйдии барарга саамай табыгастаах. Айаҥҥыт табыллыаҕа. Инники олоххутугар туһалаах көрсүһүүлэр, билсиһиилэр баар буолуохтара.

Чубуку

Дьон кистэлэҥин ыһа-тоҕо кэпсээмэҥ. Чугас дьоҥҥутугар даҕаны. Бу улахан айдааҥҥа тириэрдиэн сөп. Олоххутугар уларыйыылар буолуохтарын сөп. Онон, ис санааҕытын истиҥ.

Күрүлгэн

Бэйэҕитигэр элбэх бириэмэни анааҥ. Баар кыһалҕалар туора сотуллан, олоххутугар үтүө кэм кэлбит. Ол гынан баран саарбах бырайыактарга, үлэҕэ кыттыһымаҥ. Харчыгытын өйдөөн-дьүүллээн туттуҥ.

Балыктар

Сүрүн болҕомтону үлэҕэ буолбакка, бэйэҕит сыалгытын, баҕа санааҕытын толорууга ууруҥ. Аскытын-үөлгүтүҥ, доруобуйаҕытын көрүнүҥ. Тус олоххутугар ситиһиилээх буолуоххут.