Нэдиэлэтээҕи гороскоп: Сэтинньи 14 – сэтинньи 21 күннэрэ

Сулустар тугу кэпсииллэр?

Хой

Санааҥ өрө көтөҕүллэр кэмэ. Кыраны да ситистэххинэ, онтон үөрэр, санааҥ көтөҕүллэр буолбут. Киһи санаа кулута дииллэрэ чахчытын итэҕэйиэҥ. Наар баттык оҥосто сылдьыбыт кыһалҕаҥ түспүт курдук буолуоҕа. Бэйэ санаатын уларыттахха, олоҕу ылыныы эмиэ уларыйар.

Оҕус

Таһырдьа тымныыны аахсыбакка, салгыҥҥа талаһаҕын. Онуоха үлэҕэ үтүрүйтэрэн күнү-дьылы куоттарар курдук саныыгын, ыгыллаҕын. Кыыһырбыккын таскар таһааран чугас дьоҥҥун, доҕотторгун хомотуоххун сөп. Нэдиэлэ ортото айылҕаҕа сылдьан дуоһуйан уоскуйуоҥ.

Игирэлэр

Улахан тэрээһин эбэтэр бырааһынньык күүтэр. Дьоҥҥо аһаҕас, аламаҕай буолан хайҕалы, биһирэбили ылыаҥ. Оҕолоргун, аймахтаргын кытта сынньалаҥы тэрийэн, өрөбүллэргин ситиһиилээхтик атаарыаҥ.

Араак

Сыыһа-халты туттууҥ, дьону кытта сыһыаҥҥа хаҕыстык тыллаһарыҥ элбээбит. Дьону кытта сыһыаннаһыыга бэйэни туттуна, көрүнэ соҕус сылдьар туһалаах буолуоҕа. Кыра иирсээнтэн улахан айдаан тахсыан сөп.

Хахай

Кыра да кыһалҕаны уустугурдан, аһары уһуннук толкуйдуур туһата суох. Дьон эйиэхэ эрэнэр, онон салаайааччы хахайдар түргэн-тарҕан уонна быһаарыылаах буолаллара наада. Оттон кэрэ аҥаар хахайдар быһаарыныы ылынаргытыгар тоҕоостоох кэм.

Кыыс

Куһаҕана суох нэдиэлэ. Сүпсүлгэн арыый элбэх буолуон сөп. Чугас дьонуҥ кыһалҕаларыгар сүбэ-соргу буолуоҕуҥ. Дьиэ кэргэҥҥэр эриэ-дэхси. Үп-харчы кыһалҕатын этэҥҥэ быһаарар кыахтааххын.

Ыйааһын

Санааҕын үллэстэ үөрэн. Искэр тутан куутуйалыы сылдьыма. Урукку-хойукку доҕоттору көрсүөххүн сөп. Соһуччу көрсүһүү олоххор суолталаах буолуоҕа.

Скорпион

Санааҕын түһэрбэккэ инники былааннаргын ситиһэргэ бэлэмҥин. Саҥа бырайыактары олоххо киллэрэн улахан үбү-харчыны хамсатыаххын сөп. Ити улахан дьыалаҕар чугас киһиҥ өйөбүл буолуоҕа.

Охчут

Олоххор уларытыылары киллэрэртэн куттаныма. Ыраах айан ситиһиини түстүүр. Саҥа билсиһии долгутуулаах көрсүһүү күүтэр. Онон олоҕу атын хараххынан көрүөҥ.

Чубуку

Ситиһиилээх нэдиэлэ. Аһары уустугурдубакка, саҥа дьыалаҕа ылсан ис диэн сулустар сүбэлииллэр. Тус олоххор аһаҕас кэпсэтии туһаны аҕалыа. Санаабыт санааҕын ситиһэргэ дьулус.

Күрүлгэн

Доруобуйаҕар сэрэхтээх кэм үүммүт. Онон күүстээх үлэттэн арыый туттунарыҥ ордук. Оттон тус олоххор барыта этэҥҥэ. Ыраахтан сонун истиэҥ эбэтэр соһуччу бэлэх тутуоҥ.

Балыктар

Доруобуйаҕын көрүнэргэ кыһан. Доруобуйа хайа баҕарар түгэҥҥэ инники күөҥҥэ сылдьар. Нэдиэлэ бүтүүтэ үтүө дьону кытта алтыһыы санааҕын сэргэхситиэ. Саҥа былааннары толкуйдаа.