Нэдиэлэтээҕи гороскоп: сэтинньи 28 –ахсынньы 5 күннэрэ

Сулустар тугу сипсийэллэр? 

Хой

Нэдиэлэ устата дьыалаҥ чэпчэкитик сатаныа. Ол эрээри тус олоххор, сынньалаҥҥар сыһыаннаах дьыала арыый бытаарыа. Аһара налыйыы эбэтэр ыгымсыйыы үтүөнэн эргийбэт. Ортотун тута сатаа.

Оҕус

Үп-харчы дьыалатыгар ситиһиилээх кэм. Үлэ-хамнас дьыалатыгар суруналыыс, угуйук, биисинэс эйгэтин үлэһиттэрэ ситиһиилэниэхтэрэ. Ис туругуҥ кыратык күүрүө эрээри, барыта этэҥҥэ буолуоҕа.

Игирэлэр

Юридическай боппуруоһу быһаарыы ситиһиини түстүө. Ис санааҕын учуоттаан, сэрэйэн көрөр дьоҕургун иһиттэххинэ, уустуктартан куотуоҕуҥ. Эбии харчылаһар туһунан толкуйдаа.

Араак

Бары сүрүн боппуруостары нэдиэлэ саҥата быһаара сатаа. Туох эрэ улахан дьыаланы этэҥҥэ түмүктүөххүн сөп. Чугас дьонуҥ өйөбүллэрэ кынат буолуоҕа.

Хахай

Ааспыт нэдиэлэтээҕэр арыый холку нэдиэлэ күүтэр. Саҥа саҕалааһыннар сатаныахтара. Арай нэдиэлэ бүтүүтэ чуумпура, иһийэ түһэриҥ наада.

Кыыс

Быһаарыныы ылынарга хомуллуулаах, быһаарыныылаах буоларыҥ наада. Кыра да туорааһын дьыалаҕын тохтотуон сөп. Болҕомтолоох буолуу — ситиһии төрдө.

Ыйааһын

Чугас киһигин кытта сыһыаныҥ нэдиэлэ устата тургутууну ааһыаҕа. Сэрэдэ, чэппиэр уустук буолуоҕа. Айар үлэҕэ ситиһиилээх буолуоҕа. Успуордунан бу нэдиэлэҕэ үлүһүйүмэ.

Скорпион

Нэдиэлэ устата күүс-сэниэ киириэҕэ. Бириэмэҕин сөпкө аттарыныаххын наада. Оччоҕо барыта орун-оннугар буолан иһиэҕэ.

Охчут

Тапталга, айар үлэҕэ табыллар кэм. Саамай үгүс үөрүүлээх, ситиһиилээх нэдиэлэни мүччү тутума. Хамсанан ис.

Чубуку

Судургу, үтүө нэдиэлэ үүммүт. Бары уустук бырайыактары хамсатар, олоххо киллэрэр кыахтааххын. Дьону тардар күүһүҥ бу кэмҥэ улаатыа. Онон бары кэпсэтиилэри бу кэмҥэ былааннаа.

Күрүлгэн

Нэдиэлэ саҥата уустук соҕус буолуоҕа. Дьону кытта тапса сатыаххын наада. Ардыгар халлаанынан дайа сылдьар да курдуккун. Дьон маны өйдөөмүөн сөп.

Балыктар

Бары суолталаах боппуруостары сэрэдэҕэ диэри быһаарар ордук. Меркурий уонна эн планетаҥ Нептун харсыһан ааһыахтара. Доруобуйаҥ этэҥҥэ, успуордунан дьарыктан.