Нэдиэлэтээҕи гороскоп (тохсунньу 17-24 күннэрэ)

Хой

Тастан киирэр сураҕы-садьыгы сиидэлээн ылынарыҥ ордук. Истибитиҥ барыта кырдьык буолуо эмиэ биллибэт. Онон ситэ билбэт дьоҥҥун кытта алтыһартан туттунарыҥ ордук. Массыыналаах хойдор суолга билбэт дьоҥҥутун олордортон туттунуҥ. Тус олоҕуҥ туһунан ыһа-тоҕо кэпсээмэ. Дьиэни-уоту тупсарарга тоҕоостоох кэм.

Оҕус

Үпкэ-харчыга сыһыаннаах дьыалаҕа былаана суох атыылаһыы, ороскуоттаныы үчүгэйгэ тиэрдибэт. Элбэх дьон мустар тэрээһиннэригэр сылдьартан туттунар наада. Дьон тылыгар киирбэт гына сылдьа сатаа. Бу күннэргэ сыаналаах тиэхиньикэ алдьаныан сөп. Нэдиэлэ иккис аҥаара этэҥҥэ ааһыаҕа.

Игирэлэр

Бэйэни көрдөрөргө-биллэрэргэ саамай сөптөөх кэм. Ол эрээри эрдэ былааннамматах дьыала сатанымыан сөп. Үпкэ-харчыга сыһыаннаах дьыалаҕа болҕомтолоох буолуу ирдэнэр. Сатаан суоттаммакка кыһалҕаҕа ылларыаххын сөп. Дьону кытта сыһыаҥҥа холку, тулуурдаах буолуу үтүөнэн эргийиэ.

Араак

Нэдиэлэ саҥата бэйэ бодотун тардынар ордук. Сокуону кэһииттэн туттунуохха наада. Массыына ыытар дьон суолга сэрэхтээх буолуҥ. Кирэдьиити кэмигэр төлөөн иһиҥ, иэстээх олох сылдьымаҥ. Нэдиэлэ бүтүүтэ барыта орун-оннугар буолуоҕа.

Хахай

Нэдиэлэ саҥата соһуччу уонна соччото суох түгэннэринэн толору буолуоҕа. Сулустар сүбэлииллэринэн, эчэйии ылбат туһуттан ханнык да дьайыыны оҥорбот наада.  Успуордунан дьарык­танааччылар хамаанданан оонньууларга кыттартан туттунуҥ. Нэдиэлэ бүтүүтэ чуумпутук сылдьар ордук.

Кыыс

Дьиэ кэргэҥҥэ кыыһырсыы төрүөтэ буолуон сөп тиэмэни көтөҕөр наадата суох. Кыра да мөккүөр айдааҥҥа кубулуйуон сөп. Онон холкутуу сатыыр туһалаах буолуо. Буола турар быһыыга-майгыга судургутук сыһыаннас.

Ыйааһын

Нэдиэлэ саҥата доруобуйаҕар болҕомто ууруох­хун наада. Аскын-үөлгүн көрүнэ, туттуна сырыт. Үлэттэн төһө да сылайдаргын, барытын бы­­лааннаан хамсаннаххына, ситиһиэххин сөп. Дьону кытта сыһыаннаһыыга аһары аһаҕас буолар наадата суох. Бүөм сырыт.

Скорпион

Сүрэҕиҥ долгуйар кэмэ. Онон сөбүлүү көрбүт киһигин кытта уопсай тылы буларга дьулус. Дьиэ кэргэннээх скорпионнар холкутуу сатыыллара туһаны аҕалыа. Аҕам саастаах аймахтарга тулуурдаах буол.

Охчут

Дьиэ кэргэн олоҕор болҕомтолоох буол. Аҥааргын өйдүү сатаа. Бэйэҥ эрэ эппиккинэн муҥурданыма. Нэдиэлэ ортото суолталаах дьыалаҕа, докумуоҥҥа болҕомто ирдэнэр. Сыыһаны-халтыны оҥорортон туттун. Куһаҕан дьаллыктан ак­­каастанар кэм.

Чубуку

Нэдиэлэ саҥата бэйэҥ доруобуйаҕар кыһаныаххын наада буолбут. Иммунитетыҥ түһүөн сөп. Элбэх дьонноох сиргэ сылдьа сатаама. Халыҥнык таҥна-симэнэ сырыт.  Дьону кытта кэпсэтиигэ кэтэх эрэ өттүн санаама.  Нэдиэлэ иккис аҥаа­ра тус олоххор табыллар кэм. Сыһыаны тупсарыыга то­­ҕоостоох кэм.

Күрүлгэн

Нэдиэлэ устата үпкэ-харчыга сыһыаннаах дьыалаҕа ылсыаҥ. Ороскуот бөҕө күүтэр. Онон сөпкө суоттана, ааҕына сырыт. Бу ордук саҥа билсиһии кэмигэр тапталлааххар сыаналаах бэлэх-туһах атыылаһыыттан тахсар ороскуот буолуон сөп. Таптал харчынан эрэ кээмэйдэммэт диэн санааны өйдүөххүн наада.

Балыктар

Баҕа санааҥ уонна буола турар быһыы-майгы ардыгар сөп түбэспэттэр.  Бу ордук соҕотох балык бэлиэлээхтэргэ туһааннаах. Дьону кытта кыыһырсыбат курдук сылдьа сатаа. Дьиэ кэргэҥҥэ барытын уопсай сүбэнэн быһаарыы ситиһиилээх буолуо.