Нэдиэлэтээҕи гороскоп: ыам ыйын 2 – 9 күннэрэ

Бу күннэргэ эйигин туох күүтэрий? Сулустар тугу сылыктыылларый?

Хой

Бары кыаххын туһанан саҥа идиэйэлэри олоххо киллэрэр кыахтааххын. Билигин эйиэхэ сүрүн оруолу үп-харчы кыһалҕата быһаарар. Онон эбии харчылаһар бырайыагы толкуйдуоххун сөп.

Оҕус

Харчыгын сүтэриэххин сөп. Онон аһары көхтөөх дьыалаларга киирсимэ. Дьыалабыай сыһыаннаһыыга болҕомтолоох буол. Ыраах айан ситиһиилээх буолуон сөп.

Игирэлэр

Айар талааныҥ таһынан таһымныыр кэмэ. Тус сайдыыгар болҕомто ууруоххун наада. Ол туһуттан былааннаныы, санааны сааһыланыы көмөлөһүөҕэ.

Араак

Улахан дьыаланы былаанныырга ыксаама. Холобур, тутуу, өрөмүөн туһунан билигин толкуйдуур эрдэ. Үп-харчы сыһыаннаһыытыгар сэрэхтээх буолуу ирдэнэр.

Хахай

Харчыга сыһыаннаах дьыалаҕа арыый тулуурдаах буолуоххун наада. Кирэдьииккэ, иэскэ киирэргэ ыксаама. Дьиэ кэргэҥҥэ үтүө кэм. Ыраах айаҥҥа турунуоххутун сөп. Оҕолору кытта сыһыан тупсуоҕа.

Кыыс

Буолар быһыыга-майгыга олус уустугурдан сыһыаннаһар үчүгэйгэ тиэрдибэт. Доҕоттору кытта уопсай тугу эмит үчүгэйи былаанныыр буоллаххына, олоххо киллэрэргэ дьулус.

Ыйааһын

Чугас дьонуҥ сүбэлэрин истэн, ылса илик дьыалаҕар ылыстаххына, ситиһиилэниэххин сөп. Оттон тус олоххор чуумпу кэм.

Скорпион

Дьон санаатын иһит, ол эрээри бэйэҥ ис санааҕын эмиэ иһиллэнэриҥ наада дииллэр сулустар. Чугас дьону кытта сыһыаны уустугурдума.

Охчут

Ый саҕаланыыта былааныҥ элбэхтик уларыйыан сөп. Бэйэҥ ис кыаххын туһанан саҥа бырайыакка ылсыаххын сөп. Биир сиргэ тохтоон хаалыма.

Чубуку

Чугас киһигин аһары тупсаран көрөргүттэн ис эйгэҕэр мөккүөр үөскүөн сөп. Киһини хайдах баарынан ылыныаххын наада. Бу нэдиэлэ тапталга табыллар кэм.

Күрүлгэн

Бары кыһалҕаҥ быһаарыллыбыт курдук. Санаабыт санааҕын сиппит курдуккун. Ол эрээри тус олоххор ситэ быһаарыллыбатах кэпсэтии санааҕын аалар. Кыһалҕаны быһаара сатаа.

Балыктар

Уустук да мөккүөрү холкутук быһаарар дьоҕуруҥ бу сырыыга эмиэ көмөлөһүөҕэ. Буолар быһыы-майгы барыта бэйэтин кэмигэр буолар. Онон хайдах баарынан ылына сатаа.