Нэдиэлэтээҕи гороскоп: ыам ыйын 23 – 30 күннэрэ

Сулустар тугу кэпсииллэрий?

Хой

Дьиэ кэргэн олоҕор эйигиттэн тулуур эрэ ирдэнэр. Төһө даҕаны дьаһаллаах буолларгын, бэйэни арыый туттуна түһэр наада. Үлэҕэр ситиһиилээх кэм.

Оҕус

Ситиһиилээх кэм үүммүт. Урукку өттүгэр долгуйа санаабыт дьыалаҥ сатаныаҕа. Доҕотторуҥ өйөбүл буолуохтара, онон кинилэргэ эрэн.

Игирэлэр

Күүстээх эньиэргийэҕинэн үлэҕэр элбэҕи ситиһиэҥ. Убаастабылы ылыаҥ. Соҕотох игирэлэри саҥа билсиһии күүтэр.

Араак

Долгутуулаах кэм үүммүт. Инники олоҕуҥ хайдах салаллара бу кэмтэн улахан тутулуктаах. Дьону кытта уопсай тылы буларга дьулус.

Хахай

Үлэҕэр, тус олоххор улахан уларыйыы суох. Барыта уруккутунан. Арай нэдиэлэ бүтүүтэ тус олоххор табыллыы күүтэр.

Кыыс

Биир санаалаахтаргын кытта кыттыгас дьыаланы тэрийиэххин сөп. Саҥа дьыалаҕа ылсаргар үтүө үктэл буолуоҕа. Хамсанан ис.

Ыйааһын

Сэниэлээххин, элбэҕи былаанныыгын. Дьиэ кэргэн олоҕун тула барыта эргийэр. Ый бүтүүтэ тус олоххор уларыйыылар буолуохтарын сөп.

Скорпион

Ситиһиилээх кэм тосхойор. Ытыктанар дьон болҕомтотун ылыаҥ. Тус олоххор саҥа билсиһии истиҥ сыһыаҥҥа кубулуйуон сөп.

Охчут

Саарбах дьыалаҕа ылсартан туттун. Уһуну-киэҥи ырыҥалаан баран ылсарыҥ ордук. Доҕордуу сыһыаҥҥа барыта бэйэҕиттэн тутулуктаах.

Чубуку

Ис санааҕын сатаан истэ үөрэниэххин наада. Бу олохтон тугу күүтэргин, туохха эрэнэргин бэйэҥ эрэ билэҕин. Чугас дьонуҥ өйөбүллэрэ санааҕын кынаттыа.

Күрүлгэн

Чугас киһигин кытта сыһыан тыҥаан ылыан сөп. Барытыгар орооһоргуттан ардыгар сылайыахтарын сөбүн туһунан эмиэ толкуйдуоххун наада.

Балыктар

Үлэҕэр саҥа этиилэр киириэхтэрэ. Ыраах айаҥҥа турунуу ситиһиини түстүө. Сыаналаах мал-сал атыылаһыаххын сөп.