Нэдиэлэтээҕи гороскоп (ыам ыйын 30 — бэс ыйын 6 күннэрэ)

Хой

Бэйэҥ майгыгын туттуна, көрүнэ сырыт. Кириитикэни аһары чугастык ылыныма, барытын кулгааҕын таһынан аһаран ис диэн сулустар сүбэлииллэр.

Оҕус

Үп-харчы өттүгэр соһуччу, үөрүүлээх түгэн кэтэһэр. Ааспыт ыйга үлэҕэр бэйэҕин аһары үчүгэйдик көрдөрөҥҥүн, бэс ыйын саҕаланыыта эйигин үөрдүөҕэ.

Игирэлэр

Уустук, элбэх ноҕуруускалаах нэдиэлэ үүммүт. Ол эрээри доҕотторуҥ, чугас дьонуҥ өйөбүллэринэн маны барытын кыайыаҥ. Кыһалҕаны мунньан кэбиһимэ, тута быһааран ис.

Араак

Чугас киһигин кытта сыһыаныҥ тыҥаабыт. Эн аһары үлэнэн үлүһүйэҥҥин болҕомто уурбатаххыттан кыыһырсыы тахсыан сөп. Тус кыһалҕаҕын быһаарарга кыһалын.

Хахай

Бары дьыалаҕар холку сыһыан наада. Тугу эрэ ситиэм суоҕа диэнтэн аһары долгуйаҕын. Бастатан туран уоскуйа, буола турар быһыыны-майгыны холкутук ылына сатаа. Доруобуйаҕын харыстаа.

Кыыс

Үлэҕэр кыһамньыгын ууруоххун наада. Инникитин саҥа кыайыылар күүтэллэр. Туох үчүгэй өссө да иннигэр, онон хамсанан ис диэн сулустар сүбэлииллэр.

Ыйааһын

Дьону кытта сыһыаҥҥа табан сыһыаннас. Хас биирдии кэпсэтии, түгэн дьону хомоппот, өһүргэппэт курдук буоларыгар кыһан. Дьиҥэр, кэтэх санаата суох сыһыаннаһаргын ардыгар дьон өйдөөбөт.

Скорпион  

Доруобуйаҕар сүрүн болҕомтону уур. Элбэхтэ салгыҥҥа сырыт, битэмииннээх аһылыгынан үлүһүй. Бу күннэргэ аһыы утахтан, куһаҕан дьаллыктан аккаастанарыҥ наада.

Охчут

Тус олоххор уларыйыылар күүтэллэр. Хайдах быһыыланаргыттан үчүгэй дуу. Куһаҕан дуу өттүгэр уларыйара тутулуктаах. Уһун кэпсэтиини тулуйан истиэххин наада.

Чубуку

Тус хапытаалагын хаҥатаргар тоҕоостоох түгэн тосхойуо. Чиэһинэй буолуу кэлин бэйэҥ да санааҕын уоскутуо. Үлэҕэр, тус олоххор үтүө кэм.

Күрүлгэн

Баҕа санааҥ туолар кэмэ. Кэтэмэҕэйдээн олорон эрэ хаалыма. Түгэннэртэн кыра да үөрүүнү ыларга дьулус.

Балыктар

Айар үлэҕэ ситиһиилээх кэм. Элбэх харчыны оҥорорго түгэн тосхойуо. Сыаналаах бэлэх-туһах ылан үөрүөҥ.