Нэдиэлэтээҕи гороскоп (ыам ыйын 31 бэс ыйын 7 күннэрэ)
![](https://sakha-sire.ru/wp-content/uploads/2024/05/goroskop-900x596.jpg)
ХОЙ
Ый олус көхтөөхтүк саҕаланыыһык. Айар үлэнэн үлүһүйүөххүн сөп. Нэдиэлэ бүтүүтэ сынньалаҥҥа наадыйыаҥ. Айылҕаҕаталаһыаҥ.
ОҔУС
Элбэх көрсүһүү, кэпсэтиилэр күүтэллэр. Дьиэҕэр саҥа малсал атыылаһыаххын сөп. Ол эрээри улахан тугу эмит атыылаһаргар билэр дьонтон сүбэлэтэриҥ ордук.
ИГИРЭЛЭР
Нэдиэлэ устата кыраттан санааҕын түһэрэ, кыйахана сылдьар курдук буолуоҥ. Ол эрээри бэйэни туттунар наада, дьону кытта сыһыаны харыстыырга дьулус.
АРААК
Элбэх барыылаах-кэлиилээх нэдиэлэ күүтэр. Нэдиэлэ ортото сөптөөх быһаарыныыны ыларгар тоҕоостоох кэм. Тутууга сыһыаннаах араактар хамсаммахтаан хаалыҥ, ситиһии кэлиэҕэ.
ХАХАЙ
Өйгүн-санааҕын сааһыланаҥҥын, элбэҕи ситиһэр кыахтааххын. Эрдэ саҕалаабыт бырайыактарыҥ ситиһиини тосхойуохтара. Саҥаҕа ылсарга ыксаама.
КЫЫС
Болҕомтону ирдиир нэдиэлэ үүммүт. Ситэ билбэт дьыалаҕар ылсартан сэрэхтээх буол, албыннатыаххын сөп. Тугу эбит атыылаһары былаанныыр буоллаххына, сыта-тура толкуйдаа.
ЫЙААҺЫН
Хамсаабат баайы-дуолу атыылаһарга былааннаммыт буоллаххына, бу нэдиэлэ табыгастаах буолуоҕа. Харчыны харыстаан, толкуйдаан туттар туһаны аҕалыаҕа.
СКОРПИОН
Сыалгын-соруккун ситиһэргэр, бэйэҕин көрдөрөргөр үтүө кэм. Ол эрээри ханнык баҕарар дьыалаҕа өйгүн-санааҕын үлэлэтэ сатаа диэн сулустар сүбэлииллэр.
ОХЧУТ
Олус үтүө нэдиэлэ үүммүт. Дьыалабыай кэпсэтии табыллар кэмэ. Тапталга сыһыаннааҕы кэлэр нэдиэлэҕэ көһөрөр ордук. Ис санааҕын ыһа-тоҕо кэпсээмэ.
ЧУБУКУ
Элбэхтэ барыаҥ-кэлиэҥ, киэҥ ыырданыаҥ. Ол түмүгэр улахан дьыаланы быһаарыаҥ. Дуогабар түһэрсэргэ, харчыны кытта сыһыаннаах дьыалаҕа болҕомтолоох буол.
КҮРҮЛГЭН
Толкуйа суох быһыылары оҥоруоххун сөп. Арыый тулуурдаах буоларга дьулуһарыҥ наада. Үпкэ-харчыга сыһыаннаах дьыалаҕа ыксаабакка, холкутук сыһыаннас.
БАЛЫКТАР
Тыл аҥаарыттан өйдөһөр дьоҥҥун кытта алтыһа сатаа. Кимиэхэ даҕаны тугу да дакаастыы сатаама. Үчүгэй нэдиэлэ эрээри, дьону кытта алтыһыыга, кэпсэтиигэ болҕомтолоох буолуоххун наада.
Сообщить об опечатке
Текст, который будет отправлен нашим редакторам: