Хой
Түбүктээх нэдиэлэ үүммүт. Сыыһа-халты да тахсыан сөп. Онон үлэҕэр-хамнаскар, докумуоҥҥа болҕомтолоох буол. Чугас дьоҥҥун кытта аһаҕастык кэпсэтэн санаа үллэстиэххин сөп.
Оҕус
Туруоруммут сыалгын ситиһэргэр, саҥа идиэйэлэри олоххо киллэрэргэр үтүө кэм үүммүт. Тулуурдаах уонна мындыр буоллаххына, бу нэдиэлэ устата элбэҕи ситиһиэҥ.
Игирэлэр
Эрдэ кыаллыбакка сылдьыбыт дьыалаҥ-куолуҥ ситиэн сөп. Санааҕын уурдаххына, кыаллыбат да кыаллыаҕа, сатаммат да сатаныаҕа. Барыта бэйэҕиттэн тутулуктаах.
Араак
Үп-харчы дьыалатыгар табыгастаах, элбэх барыһы киллэрэр нэдиэлэ үүммүт. Хорсун санаалары олоххо киллэрэртэн куттаныма. Барыта орун-оннугар буолан иһиэҕэ.
Хахай
Уустук балаһыанньаҕа өрүү чугас дьоҥҥор эрэнэҕин, көмө, сүбэ-ама көрдүүгүн. Ис дьиҥэр, бэйэҥ кыаххын ардыгар билиммэккин. Онон бу нэдиэлэ устата бэйэҕин тургутан көр.
Кыыс
Үлэҕэр-хамнаскар сыһыаннаах дьыалаҕа эппиэтинэстээх буол. Саҥа дьоннуун алтыһарга ис санааҕын ыһа-тоҕо кэпсээмэ. Кэлин барыта бэйэҥ утары туруон сөбүн умнума.
Ыйааһын
Уруккуттан ымсыырар, санаа ымыыта оҥосто сылдьыбыт малгын-салгын атыылаһыаххын сөп. Ол эрээри харчы мунньунарга санаммыт буоллаххына, ити толкуйгуттан туораама.
Скорпион
Дьоҥҥо толорбот тылгын эрдэттэн биэримэ. Дьону кытта алтыһыыга, кэпсэтиигэ сэрэхтээх буол. Хопко-сипкэ киирэн биэрбэт курдук сырыт. Харчыгын харыстаан тутун.
Охчут
Кыайыыга-хотууга эрэллээххин, айар үлэҥ таһаарыылаах кэмэ. Дьону да тардаҕын. Үп-харчы да сөбүгэр баар. Арай аһары сананан, ис кэрэҕин, бэйэҥ уратыгын сүтэрэр кутталлааххын.
Чубуку
Икки өрүттээх нэдиэлэ үүммүт. Сутуруккун суулуу тутаҥҥын, күн анныгар миэстэ былдьаһар уустук кэм үүммүт. Ол эрээри санааҕын түһэримэ, дьону бэйэҥ тылгар киллэрэргэ дьулус. Тус олоххор барыта эриэ-дэхси.
Күрүлгэн
Буккуурдаах, уустук нэдиэлэ үүммүт. Чугас дьонуҥ туһугар тугу да кэрэйбэккин. Оттон кинилэр ону сыаналыыллар дуо? Онон толкуйданар наада.
Балыктар
Үлэҕинэн үрдүүргэр, салалта болҕомтотун ыларга үтүө кэм үүммүт. Ол эрээри уустук соруктары толорор ыарыан сөп. Өй-санаа өттүнэн бэлэм буолуоххун наада.
Ытыктабыллаах Саха сирин олохтоохторо! Күндү Аҕа дойду Улуу сэриитин бэтэрээннэрэ, тыыл үлэһиттэрэ уонна сэрии оҕолоро!…
Бүгүн, ыам ыйын 9 күнүгэр, Саха сирин сорох улуустарыгар +17 кыраадыс буолара күүтүллэр диэн УГМС…
Сылы эргиччи үлэлиир, араас хайысхалаах элбэх үлэни ис сүрэхтэриттэн баҕаран тураннар толорор дьоҥҥо түбүктэрэ өссө…
Бүгүн Орджоникидзе болуоссатыгар Улуу Кыайыы 80 сылыгар анаммыт И.Ф. Дьячковскай аатынан Ис дьыала министиэристибэтин түмэлэ…
Бу иннинэ саайтка Г.Н. Васильев “Сыма уонна атын астар” кинигэтиттэн мээкиндэни хайдах бэлэмниир туһунан быһа…
Дьокуускайга Пушкин уулуссатыгар турар дьиэ Кыайыы күнүн көрсө киэркэйдэ, тубуста. Бу дьиэ үлэҕэ киирбитэ балачча…