Салгыы
До выборов президента РФ
00 дней
:
00 часов
:
00 минут
:
00 секунд
Нэдиэлэтээҕи гороскуоп: атырдьах ыйын 17-24 күннэрэ

Нэдиэлэтээҕи гороскуоп: атырдьах ыйын 17-24 күннэрэ

Ааптар:
17.08.2023, 06:00
Бөлөххө киир:

Хой

Урут толкуйдаабыт былааннаргытын, бырайыактаргытын олоххо киллэрэр кэмҥит кэлбит. Ол табыллыаҕа. Өр алтыспатах дьоҥҥутун соһуччу көрсүөххүтүн, кинилэри кытта доҕордоһуоххутун сөп.

Оҕус

Үүнэргэ-сайдарга, саҥаны билэргэ-көрөргө олус табыгастаах нэдиэ­лэ үүммүт. Бу ылбыт үөрүйэхтэргит олоххутугар олус суолталаах буо­луохтара. Бу күннэргэ элбэх харчы хамсыаҕа – кэлиэн да, барыан да сөп.

Игирэлэр

Дьыалаҕытыгар-куолугутугар туох эрэ наар мэһэйдиир курдук буолуоҕа. Кимҥэ да улаханнык эрэнимэҥ, бэ­­йэҕит ылсыбыккыт ордук. Хата, былааннаабыккытын тиһэҕэр диэри тиэр­диэххит, санааҕыт чэпчиэҕэ.

Араак

Ис санааҕыт туох диирин истэ са­­тааҥ, сөптөөх суолу батыһаргытыгар көмөлөһүөҕэ. Үтүө санааҕыт бэ­­йэҕитигэр сүүс төгүл эргиллэн кэлэриҥ умнумаҥ, көмө көрдөөтөхтөрүнэ аккаастанымаҥ. Айылҕаҕа сынньанарга, чугас дьону кытта кэпсэтэргэ сөптөөх нэдиэлэ.

Хахай

Атырдьах ыйа хахай бэлиэлээхтэргэ бэртээхэйдик ааһыаҕа. Бу нэдиэ­лэҕэ туох баар кыһалҕаларгытын бы­­һаарарга кыах бэриллиэҕэ. Эрдэ кими эмит өһүргэппит буоллаххытына, эйэлэһэр, кэпсэтэр тоҕоостоох буолуоҕа.

Кыыс

Кыыс бэлиэлээх сулумах дьон аналларын көрсүөхтэрин, оттон ыал дьон уу нуурал олохтоноллоро билгэлэнэр. Бу нэдиэлэҕэ дьиэни-уоту сууйар-сотор, атыылыыр-атыылаһар дьыала этэҥҥэ барыаҕа. Быһаарыныылаах уонна хорсун майгыгытыттан бэйэҕит соһуйуоххут.

Ыйааһын

Сынньанар, аралдьыйар кэм кэлбит. Ис дууһаҕытын сааһылааҥ, чугас дьоҥҥутун кытта көрсүҥ, кэпсэтиҥ. Бу күннэргэ улахан дьыаланы былаан­наабыт буоллаххытына, сэрэхтээх буолуҥ. Соһуччу көрсүһүүлэр, бэлэхтэр күүтэллэр.

Скорпион

Бу нэдиэлэҕэ бэйэҕитин анаалыстанаргыт, тылгытын кыана туттаргыт, дьоҥҥо сыһыаҥҥытын тупсараргыт ордук. Сэрэйэн көрөр дьоҕургут сайдыаҕа, ол эрээри албыҥҥа-көлдьүҥҥэ киирэн биэрэртэн сэрэхтээх буолуҥ.

Охчут

Саарбахтыыр дьыалаҕытыгар ылсыбаккыт ордук. Үлэҕэ-үөрэххэ, дьиэ­ҕэ-уокка барыта этэҥҥэ. Чугас дьоҥҥутун, доҕотторгутун кытта алтыһан астыныаххыт, үчүгэй сонуннары истиэххит. Үгүс сыраны-сылбаны бараабакка эрэ, улаханы ситиһиэххит. Олоххо көхтөөхтүк сыһыаннаһыҥ.

Чубуку

Дохуоккут үрдүөн, үлэҕитигэр элбэҕи ситиһиэххитин, хайҕаныаххытын сөп. Үөйбэтэх өттүгүттэн араас быһылаан тахсыан сөп, онно бэлэм буолуҥ. Быһаарыныылары ыксаабакка эрэ ылыныҥ. Сынньанары эмиэ сатааҥ, ­дьиэҕэ тохтуу түһэр ордук.

Күрүлгэн

Кыраттан кыыһырар-тырыттар кэ­­мэлдьигитин көннөрүнүҥ, солуута суохтан чугас киһигитин өһүргэтиэх­хитин сөп. Үлэҕит түмүктээх буолуоҕа, салалта сыаналыаҕа. Уруккуттан аала сылдьар кыһалҕаны быһаарарга сөптөөх күн-дьыл кэлбит.

Балыктар

Айан, сырыы күүтэр, соһуччу ­­этиилэр киирдэхтэринэ, толкуйдаабакка сөбүлэһиҥ. Ол курдук, бу нэдиэ­лэ холоруктуу ытыллан ааспытын билбэккэ да хаалыаххыт. Кыра түбүктэр, ыксаан-ыгылыйан ылар да түгэннэр баар буолуохтара.

+1
0
+1
0
+1
0
+1
0
+1
0
+1
0
+1
0
Бары сонуннар
Салгыы
21 февраля
  • -31°C
  • Ощущается: -31°Влажность: 67% Скорость ветра: 1 м/с

Сообщить об опечатке

Текст, который будет отправлен нашим редакторам: