Нэдиэлэтээҕи гороскуоп: балаҕан ыйын 14 – балаҕан ыйын 21 күннэрэ

Хой

Саҥа дуоһунастанаары эбэтэр бэйэҕит эйгэҕитигэр биллээри-көстөөрү, үлэ үөһүгэр сылдьыаххыт. Ол эрээри, эһигини кэннигититтэн саҥарар дьон баар буолуон сөп. Сэрэхтээх буолуҥ.

Оҕус

Бу нэдиэлэҕэ сөбүлүүр дьарыккытынан умсугуйуоххут. Айыах-тутуох санааҕыт киириэҕэ. Саҥа дьоҕурга үөрэниэххитин, кистэлэҥ талааҥҥытын арыйыаххытын сөп. Эһигини истиҥник саныыр дьон соһуччу элбиэҕэ.

Игирэлэр

“Игирэлэр” бу кэмҥэ дьиэ-уот уонна дьиэ кэргэн боппуруостарынан дьарыктаныахтара. Дьиэҕэ уларыйыы буолуон сөп, кыра кыһалҕалары түргэнник быһаарыаххыт. Үлэҕитигэр ситиһиилэр күүтэллэр.

Араак

Кумааҕы, көмпүүтэр үлэтэ күүтэр диэн сулустар билгэлииллэр. Ыраах айаҥҥа турунуоххутун сөп. Тэрийэр, салайар хаачыстыбаҕыт буола турар быһыыга-майгыга көмөлөһүө. Дохуоккут элбиэн сөп.

Хахай

Тус сыалларгытын, баҕа санааларгытын ырыҥалаан көрүҥ. Урукку баҕа санааларгыт олоххо киирэн соһутуохтара. Саҥа дуоһунас, эбии харчы күүтэр. Чугас дьоҥҥутун хомоппот буола сатааҥ.

Кыыс

Кыыс бэлиэлээх дьон бу нэдиэлэҕэ доруобуйаҕыт туругун, уйулҕаҕытыҥ көрүнүҥ. Уруккуттан аалар ыарыыгыт бэргиэн сөп, барытыттан сылайбыт курдук сананыаххыт. Ол эрээри, санааҕытыҥ түһэримэҥ. Саҥа сыаллары торумнааҥ.

Ыйааһын

Эһигини тулалыыр дьоҥҥо болҕо­йуҥ. Чугас дьоҥҥут кыһалҕаларгытын быһаарарга көмөлөһөргө бэлэмнэр. Оттон бииргэ үлэлиир, алтыһар дьоҥҥут ситиһиилээх үлэҕэ сирдиэхтэрэ.

Скорпион

Олорор сири-уоту уларытарга тоҕоос­тоох кэм, айан-сырыы күүтэр. Саҥаны саҕалыырга олус табыгастаах нэдиэлэ: успуордунан дьарыктанарга, сөптөөхтүк аһыырга, саҥа дьону кытта билсэргэ. Албыҥҥа киирэн биэриэххитин сөп.

Охчут

Сулумах “охчуттар” сүрэхтэрин аҥаарын көрсүөхтэрин сөп. Эбии харчылаһарга табыгастаах кэм. Ылсыбыккыт барыта сатаныа. Улаханы толкуйдаабакка, саҥа бырайыактарга кыттыһыахха, саҕалыахха сөп.

Чубуку

Кирэдьииккэ кииримэҥ, дьоҥҥо харчы иэс биэримэҥ диэн сулустар сүбэлииллэр. Кирэдьиити төлүүргэ моһуоктар үөскүөхтэрэ, оттон иэһи төннөрүөхтэрэ суоҕа. Соһуччу көрсүһүүлэр күүтэллэр.

Күрүлгэн

Бэйэмсэх буолан бүтүҥ. Сүбэ, көмө көрдүүр дьонтон тэйиччи туттумаҥ. Бу дьоҥҥо оҥорбут үтүөҕүт чугаһынан кэмҥэ бэйэҕитигэр сүүс төгүл эргийэн кэлиэ. Сынньана барарга, олоҕу уларытар санаалары тобуларга то­­ҕоостоох кэм.

Балыктар

Үлэҕэ, үөрэххэ сыраҕыт-сылбаҕыт бараныа. Түбүгүрүмэҥ, тыас­таах-уустаах сиргэ сылдьартан туттунуҥ. Айылҕаҕа сынньанан күүстэ-уохта ылыҥ, чугас дьоҥҥутун кытта алтыһыҥ. Оҕо иитии­тигэр кыһалҕалары көрсүөххүтүн сөп.