Нэдиэлэтээҕи гороскуоп: бэс ыйын 1 – бэс ыйын 8 күннэрэ

Хой

Уустук кэм бүрүүкээбит. Тус олоххор уонна үлэҕэр-хамнаскар тугу гыммытыҥ барыта икки өрүттээх буолуон сөп. Бэс ыйын саҥата тапталга табыллыы күүтэр, ол эрээри бу табыллыы тус олоххун тосту уларытыан сөп.

Оҕус

Эрдэ баҕа санааҕын барытын олоххо киллэриэх курдук модун санаа­лаах этиҥ. Ол эрээри бэс ыйын саҥата кыра уустуктары үөскэтииһик. Тус олоххор күнүүттэн сылтаан чугас киһигин кытта сыһыаныҥ алдьаныан сөп. Бу куһаҕан хаачыстыбаны киэр кыйдаа.

Игирэлэр

Талааныҥ арыллар кэмэ. Ордук чопчу былааннаах, сыаллаах-соруктаах буоллаххына, бу тоҕоос­тоох кэми туһаныаҥ. Дьону кытта уопсай тылы түргэнник булаҕын. Хопко-сипкэ киирэн биэримэ.

Араак

Үлэнэн аһары үлүһүйэҥҥин тус олоххун умнубуккун. Ыраах айаҥҥа турунуоххун сөп. Бу айаҥҥа билсиспит дьонуҥ инники олоххор, үлэҕэр-хамнаскар дьайыахтарын сөп.

Хахай

Доруобуйаҥ, настырыанньаҥ этэҥҥэ буолан көхтөөхтүк тус олоххун уларытыаххын баҕарыаҥ. Урукку сыыһаларгын, оҥорбут алҕастаргын көннөрөргөр табыгастаах кэм.

Кыыс

Дьыала-куолу хамсаан испэтиттэн, чугас дьоҥҥун кытта өйдөспөт буолууттан сылайбыккын. Эйигин тулалыыр, ньиэрбэҕин сиир дьонтон босхолонуоххун баҕараҕын. Дьиэ кэргэҥҥэр, үлэҕэр улахан уларыйыылар буолуохтара. Манна бэйэҥ өйгүнэн уонна сүрэххинэн бэлэм буоллаххына, барыта табыллыаҕа.

Ыйааһын

Элбэх идиэйэлээххин, былаан­нааххын. Бэс ыйын саҥата үгүһү олоххо киллэриэххин сөп. Бу туһугар хорсун уонна быһаарылаах буолуу ирдэнэр. Саҥа билсиһии доҕордоһууга кубулуйуон сөп.

Скорпион

Ый саҥата майгыгын-сигилигин көрүнэ сырыт. Элбэх бириэмэни туһата суох кэпсэтиилэргэ, тэлэ­биисэр иннигэр атаараргын сөбүлүүгүн. Олоххун, күннээҕи үлэҕин сөптөөхтүк былааннаннаххына, элбэҕи сити­һиэххин сөп.

Охчут

Улахан дьыаланы ситиспиккин. Бэйэҕэр эрэлиҥ күүһүрүө. Өссө саҥа саҕахтары арыйарга бэлэм буо­луоҥ. Ол эрээри ыраахтан, чугастан чугас дьонуҥ кыһалҕалара уу нуурал олоххун уйгуурдуон сөп. Аҕам саастаах дьоҥҥо амарахтык сыһыаннас. Кэлин барыта орун-оннугар түһүөҕэ.

Чубуку

Күннээҕи үлэ-хамнас, дьиэ-­уот кыһалҕата инники күөҥҥэ турбут. Санааҕын сааһыланан инникини былаанныырга уолдьаспыт. Кистэлэҥ талааныҥ арыллан саарбахтыыр санааларгын ыраах кыйдыаҕыҥ.

Күрүлгэн

Бэйэҥ кыаххын сатаан сыаналаммаккын. Ол эрээри үлэҕэр хайҕабылы ылан санааҥ күүһүрүө. Сэмэйдик тутта-хапта, дьону кытта иирсибэккэ, хопко-сипкэ кыттыспакка сырыт.

Балыктар

Нэдиэлэ бастакы саҥата чуумпутук ааһыаҕа. Ол эрээри оннук сылдьартан салҕан бэ­­йэҕин көрдөрүөххүн, бар дьоҥҥо биллэриэх­хин баҕарыаҥ. Ону кытта бэйэҥ тус эйгэҕин, талааҥҥын ары­йарга дьулуһуоҥ. Сөптөөхтүк дьаһаннаххына, элбэх идиэйэни олоххо киллэриэҥ.