Нэдиэлэтээҕи гороскуоп: от ыйын 6-13 күннэрэ

Хой

Судургута суох күннэр. Ол эрээри, ситиһиилэнэр ньыманы тобулуоҥ. Онно туох эрэ саҥа сүүрээни толкуйдууруҥ ирдэнэр. Чугас дьоҥҥуттан бэлэх тутан үөрүөҥ. Харчы да баар буолуо. Сэргэх, истиҥ көрсүһүүлэр күүтэллэр.

Оҕус

Хас да дьыаланан тэҥҥэ дьарыктаныаҥ. Онно бэйэҥ эрэ киэнин буолбакка, атын дьон кыһалҕатын кытта быһаарыаҥ. Барыта табыллыа, дьон сыаналыа. Болҕомтолоохтор нэдиэлэ иккис аҥаарыгар толкуйга түспүт ыйытыыларыгар хоруйу тобулуохтара.

Игирэлэр

Дьону-сэргэни кытта хаһааҥҥытааҕар да элбэхтик алтыһыаҥ. Туһалаах көрсүһүүлэр баар буолуохтара. Маныаха дьыалабыай кэпсэтиини ыытаргар тоҕоостоох күннэр-дьыллар үүммүттэр. Үлэҕэ да ыҥырыахтарын сөп. Оттон үпкүн-харчыгын мээнэ ыһыма.

Араак

Тулаҕар туох да буоллун, холку буол. Соһуччу туох эрэ буолуон эбэтэр дьиктилэр, баҕар, урукку кыһалҕалар күөрэйэн тахсыахтарын сөп. Урукку алҕаскын, сыыһаҕын көннөрөргөр бириэмэ балачча барыа. Иһитиннэриини кичэллээхтик бэрэбиэркэлээ. Нэдиэлэ ортотуттан барыта үчүгэй буолуо.

Хахай

Элбэх саҥаны, сонуну билиэҥ. Туһалаахха үөрэниэҥ. Соһуччу көрсүһүүлэр күүтэллэр. Үлэҕэр, дьиэҕэр тыл-тылга киирсибэт буолуу тахсыан сөп. Нэдиэлэ ортотугар диэри кимниин да иирсибэт буола сатаа. Оттон туох эрэ улаханы атыыласпытыҥ өр сулууспалыа.

Кыыс

Саҥаны саҕалыаххын сөп. Ол гынан баран, онно бириэмэ наада. Ылсыбыккын тиһэҕэр тиэртэххинэ, кэлин бэйэҕин хайгыыртан соло булуоҥ суоҕа. Дьону-сэргэни кытары сыһыаныҥ хаһааҥҥытааҕар да тупсуо. Харчы тутан үөрүөҥ. Сорохтору үчүгэй билсиһии күүтэр.

Ыйааһын

Туох эрэ уустугурдаҕына, санааҕын түһэримэ. Үчүгэйдик билэр дьонуҥ сөптөөх сүбэлэри биэриэхтэрэ. Нэдиэлэ иккис аҥаарыгар ситиһии күүтэр. Бу үлэҕэр да, тус сыһыаҥҥар да. Улаханнык сэргэхсийиэҥ.

Скорпион

Туох буоларыгар болҕомтоҕун уурарыҥ, быһаарыылаах буоларыҥ наада. Кылаабынайа саҕалаабыккын, ылсыбыккын быраҕыма. Тиһэҕэр тиэрдэриҥ, оҥороруҥ үчүгэй түмүктээх буолуоҕа. Саҥа доҕоттордонуоҥ. Истиҥ көрсүһүүлэр күүтэллэр.

Охчут

Интэриэһинэй, сэргэх нэдиэлэ. Саҥа сорудахха, үлэҕэ үөрэ-көтө ылсыаҥ. Маныаха ситиһиилэниэххин баҕарар буоллаххына, элбэххэ үөрэнэриҥ наада. Онно көмөлөһөр, өйүүр да дьон баар буолуохтара. Оттон чугас дьонуҥ болҕомтоҕор наадыйалларын умнума.

Чубуку

Урукку саҕалаабыт үлэҕэр ылсарыҥ ордук. Эбии харчылаһарга этии киириэ эбэтэр атын үлэҕэ ыҥырыахтарын сөп. Соһуччу харчы тутуоҥ. Чугас дьоҥҥун кытары сыһыаныҥ тупсуо.

Күрүлгэн

Үлэҕэр-хамнаскар ситиһиилээх нэдиэлэ. Интэриэһинэй көрсүһүүлэр күүтэллэр. Айанныаххын эбэтэр интэриэһинэй тэрээһиҥҥэ сылдьыаххын сөп. Төһө да түбүгүрдэргин чугас дьоҥҥор болҕомтоҕун уур.

Балыктар

Туохха эмэ сыыһаҕын чугас киһиҥ ыйдаҕына өһүргэммэтиҥ ордук. Нэдиэлэ бүтүүтүгэр олус интэриэһинэй күннэр күүтэллэр. Сырдык ыра санааҥ туолуон сөп.