Нэдиэлэтээҕи гороскуоп: сэтинньи 9-16 күннэрэ

Хой

Сынньанар да  бокуойуҥ суох. Аһары үлэлээн доруобуйаҕар оҕустарыаххын сөп. Сылаалаах үлэттэн илистибиккин. Таҥаскын-сапкын көрүнэ сырыт. Чараастык сылдьан дьаҥнаан хаалыаххын сөп. Быыс булан сынньана сатаа.

Оҕус

Докумуону кытта үлэҕэ сэрэхтээх буоларыҥ ирдэнэр. Саарбахтыыр дьыалаларгар ылсыбатыҥ, илии баттаспатыҥ ордук. Нэдиэлэ ортото сэрэхтээх буол, эрэнэ санаабыт дьонуҥ түһэн биэриэхтэрин сөп.

Игирэлэр

Былааныҥ элбэх, саҥа идиэйэлэр ыраахха диэри санааҕын кынаттыыллар. Арай аттыгар баар дьонуҥ ону өйдөөбөттөр. Эн курдук олоҕу чэпчэкитик ылымматтар. Онтон санааҕа ылларар сатаммат, кыра да хардыыларынан инниҥ диэки баран иһэриҥ наада.

Араак

Уустук кэм бүрүүкээбит. Үлэҕэ-хамнаска сатамньыта суох күннэр. Дьиэҕэр-уоккар киҥир-хаҥыр саҥарсыы да баар. Барытын хаалларан ханна эрэ ыраах барыаххын санаталыыгын. Ол эрээри, бэйэ бодотун тардынан бу уустук кэми холкутук аһарынар туһалаах.

Хахай

Дьиэ кэргэҥҥэр харчыттан сылтаан өйдөспөт балаһыанньа тахсыан сөп. Маны эрдэттэн туоратарга кыһан. Харчыгын мээнэ матайдаама, нэдиэлэ ортото соһуччу сонуннары истиэҥ.

Кыыс

Эн сүбэлэргин дьон ылынар. Онон сүбэ-ама, онтон да атын туһалаах дьарыкка ылыстаххына, киэҥник биллиэххин сөп. Ол эрээри, дьиэ-уот кыһалҕатыгар аһары ыктараҕын. Онтон сылтаан ардыгар чугас киһигин кытта ар-бур да дэһэн ылаҕыт.

Ыйааһын

Чугас дьоҥҥун, доҕотторгун кытта алтыһыы үчүгэй эрэ өттүнэн дьайыаҕа. Кинигэ ааҕыыта, оҕолорунан дьарыктаныы үтүө түмүктэрдээх буолуоҕа. Сылаас чэй, итии аһылык  — онтон ордук эйиэхэ туох даҕаны наадата суох

Скорпион

Дьоҕурдаах, бэйэлэрин сайыннаралларыттан куттаммат скорпионнарга ситиһиилээх кэм. Сырдык сулус суолгун сырдатар кэмэ. Ылсыбыт дьыалаҥ ыпсар кэмэ.

Охчут

Чугас киһигин кытта сыһыаныҥ тыҥаабыт. Өйдөспөт буолууга куруук бэйэҕин буруйданаргын тохтот. Аттыгар баар аҥарыҥ куруук сөпкө этэр буолумуон сөп. Бэйэҥ санааҕын этэ, туруорса үөрэн.

Чубуку

Тус олох диэн тугуй диигин. Соҕотох ыраах баран хаалыаххын баҕараҕын. Үлэ күөстүү оргуйар. Онуоха күүппэтэх өттүттэн аймахтарыҥ кэлэн соһутуохтара. Ол эрээри, олох уу-чуумпу буоллаҕына, аны чуҥкуйан бараҕын.

Күрүлгэн

Туора дьон санаатын аһары чугастык ылынар наадата суох. Искэр иитиэхтии сылдьыбыт урукку былааннаргын олоххо киллэриэххин сөп. Саарбахтыыр, уһатар-кэҥэтэр олох хаамыытын бытаардар.

Балыктар

Тоҥмот-хаппат курдук ичигэстик таҥна сырыт. Бу күннэргэ балыктарга сэрэхтээх кэмнэр. Онон чуумпутук, сылаас сиргэ холкутук олорон үлэҕин-хамнаскын бэрий, дьиэ кэргэҥҥэр болҕомтото уур.