Нэдиэлэтээҕи гороскуоп: ыам ыйын 25 – бэс ыйын 1 күннэрэ

Хой

Олоххо интэриэскин улаатыннаран, үлэҕэ көххүн көрдөрөн хайҕаныаҕыҥ. Билигин оруобуна саҥа билиини иҥэринэргэ, дьоҕуру сайыннарарга сөптөөх кэм. Дьону кытта тапсар, уопсай тылы булар кэмиҥ, онон дьыалаҥ-куолуҥ табыллыыһык.

Оҕус

Бэйэҕин сөптөөхтүк сыаналанаҕын. Ол эрээри, ардыгар аһары үрдүк ирдэбиллэри туруораҕын. Ис са­­нааҕын кэрбээмэ, инниҥ хоту хамсанан ис. Саҥа бырайыактарыҥ, толкуйдарыҥ ситиһиини эрэ түстүүллэр.

Игирэлэр

Көхтөөх кэм үүммүт. Үлэҕэ, үөрэххэ үтүө кэм. Арай дьиэ кэргэҥҥэр уустук соҕус балаһыанньа үөскүөн сөп. Ити аһары барытын хонтуруоллуургуттан чугас дьонуҥ сылайбыт буолуохтарын сөп. Өрөбүллэргин холкутук айылҕаҕа сынньанан атаарарыҥ туһалаах буолуо.

Араак

Ыраахтан сонун истиэҥ эбэтэр аймахтарыҥ соһуччу кэлиэхтэрэ. Бу эн олоххор дьайыан сөп. Ол эрээри дьоҥҥо хаҕыс сыһыаннаах буолума, кэлин эйиэхэ көмөлөһүөхтэрин, тустаах дьыалаҕар өйүөхтэрин сөп.

Хахай

Дьиэ кэргэҥҥэр соһуччу иирсээн тахсыан сөп. Ити барыта чугас дьоҥҥо болҕомто суоҕуттан төрүөттэнэр. Эн уопсай тылы түргэнник булар, кыһалҕаны аччатарга мындыр өйүҥ балаһыанньаны өрүһүйүө. Оҕолорго, кыра саастаах аймахтарга үөрэхтэригэр көмө наада буолбут. Нэдиэлэ бүтүүтэ барыта этэҥҥэ буолуоҕа.

Кыыс

Ньиэрбэҕин харыстана сырыт. Буолар быһыы-майгы барыта арай эн үрдүгүнэн барар курдук. Санныгар үгүс кыһалҕаны сүгэ сылдьаҕын. Ол эрээри, көҥүллүк тыынарга, бэйэҕэ саҥа хаачыстыбаны арыйарга бэйэҥ эрэ сөпкө быһаарыннаххына, барыта сатаныаҕа.

Ыйааһын

Харчыгын сөптөөхтүк суоттана сырыт. Дьиэҕэ сыаналаах малы-салы атыылаһартан туттуна түс. Ол кэ­­риэтин бэйэҕин сайыннарар быра­йыактарга эбэтэр туһалаах кинигэҕэ харчыгын бараабытыҥ ордук. Дьиэ кэргэҥҥэр бэйэҥ эрэ эппиккин өрө тутума. Атын дьон санаатын эмиэ истэ үөрэн.

Скорпион

Олоххун тупсарарга тулалыыр эйгэҕин көрүнүөххүн наада. Эйигин таҥнары тардар доҕоттортон туора турарга уолдьаспыт. Чугас дьоҥҥор ирдэбилгин арыый намтат. Олох барыта эн эрэ тула эргийэр кыаҕа суох.

Охчут

Эн тула үгүс киһи үмүөрүһэр. Онон нэдиэлэ устата элбэх дьону кытта алтыһыаҥ. Дьолгун дьону кытта үл­­лэстэртэн кыбыстыма. Санааҕынан аһаҕас, майгыгынан аламаҕай буол.

Чубуку

Нэдиэлэ устата настарыанньаҥ түһүө, тахсыа. Киэһэтин аһары сылайыаҥ, сытыаххын, олоруоххун эрэ баҕарыаҥ. Бу балаһыанньаны ускуустуба эрэ өрүһүйүөн сөп. Онон быыс булан тыйаатырга, мусуойга сылдьарга кыһан.

Күрүлгэн

Тас дойдуга, ыраах олорор аймахтары, доҕоттору кытта алтыһыаҥ, төлөпүөнүнэн кэпсэтэн үгүс сонуну истиэҥ. Дьиэ кэргэҥҥэр, тус олоххор барыта этэҥҥэ. Сэргэх кэпсэтиини, истиҥ мичээри аһары чугастык ылыныма, ити таптал буолбатах.

Балыктар

Чугас дьоҥҥор болҕомтолоох буол. Кинилэри кытта атаарбыт би­­риэмэҥ икки бүк дьолунан тосхо­йуо. Доруобуйаҕын бөҕөргөтүнэргэ тоҕоос­тоох кэм, успуордунан үлүһүйүөххүн сөп.