Хаартыска-"Нефро-Лига"
От ыйын 9 күнүгэр СӨ Уопсастыбаннай балаататыгар нефролог-быраас, “Тулуур” кэмиэрчэскэйэ суох тэрилтэни төрүттээччи, уопсастыбаннай диэйэтэл, “Нефроклиника” улуустар икки ардыларынааҕы диализ киинин төрүттээччи уонна салайааччы Марфа Николаевна Бурцеваҕа “Нефро-Лига” МООНП бырабылыанньатын “Нефрожизнь” бириэмийэтэ туттарылынна.
Ону таһынан Саха Өрөспүүбүлүкэтиттэн маннык бириэмийэнэн Өрөспүүбүлүкэтээҕи 1 №-дээх балыыһа-М.Е.Николаев аатынан Мэдиссиинэ национальнай киинин хроническай гемодиализ уонна нефрология отделениетын кэлэктиибэ, отделение сэбиэдиссэйэ, нефролог-быраас, СӨ үтүөлээх бырааһа, СӨ доруобуйатын харыстабылын туйгуна Александр Владимирович Николаев уонна Ирина Александровна Сапожникова наҕараадаланнылар.
«Бу бириэмийэ лауреаттара диализка эмтэнэр 500-тэн тахса киһи куоластааһынын түмүгэр талыллыбыттара. Ону таһынан куоластааһын түмүгүнэн бириэмийэ Михаил Анатольевич Сапожников кэргэнэ Ирина Александровна Сапожниковаҕа иҥэриллибитэ. Хомойуох иһин, Михаил Сапожников билигин биһиги ортобутугар суох, ол эрэн, кини дьыалата салҕанар. Чуолаан уопсастыбаннай диэйэтэл Михаил Сапожников көмөтүнэн үгүс социальнай боппуруос быһаарыллыбыта”, — диэн СӨ “Нефро-Лига” эрэгийиэннэр икки ардыларынааҕы уопсастыбаннай тэрилтэ бэрэссэдээтэлэ Ольга Афанасьевна Мельчинова кэпсээтэ.
Чахчыта да, бу бириэмийэ улахан суолталаах, сыаналаах уонна дьоһуннаах. Эмтэнээччилэр билиниилэрэ уонна махталлара быраастарга бастыҥ наҕарааданан буолар.
Саха сирин олохтоохторо сааскы халаан уута этэҥҥэ аастар диэн баҕалаахтар. Ол иһин туһааннаах тэрилтэлэр, күнү-дьылы…
Муус устар 6 күнүгэр Арчы дьиэтигэр бу сайын Тааттаҕа Манчаары оонньууларын көрсө, Таатта Ытык Оһуокайа…
Миитээскини ийэтэ дойдуларыгар үлэлии кэлбит-барбыт кыыска холбуу, ыал оҥоро сатаан баран кэлин чуурун биэрбитэ. Уола…
Бүгүн Сахабыт сиригэр Аҕа күнэ бэлиэтэнэр. Биһиги тапталлаах аҕабыт Иван Никитич Корякин-Уйбаан Бөтүүнүскэй биир бастакынан…
Ньурбаҕа дьону кулуттааһынынан РФ Холуобунай кодексын 127.2 ыст. 2 ч. а пуунунан (использование рабского труда…
Саас кэлэн, күн уота күүһүрэн, сирэй тириитигэр дьайара күүһүрдэ. Ордук «кураанах» тириилээх дьон сирэйдэрин көрүнэ,…