Нэһилиэк баһылыга муниципальнай бүддьүөт суотугар сүөһү аһылыгын тиэйиитин тэрийбит

Саха сиригэр үбү-харчыны сокуоннайа суох ороскуоттааһыҥҥа холуобунай дьыала силиэстийэтэ түмүктэннэ. Онно биир тыа сирин баһылыга бэйэтин дуоһунаһын туһанан, бүдьүөт харчытын сокуоннайа суох туһаммыт.

Эр киһи былырыын нэһилиэк дьаһалтатын уонна чааһынай урбаанньыт икки ардыларыгар дуогабар түһэрсибит. Онно Дьокуускай куораттан 18 туонна концентрированнай сүөһү аһылыга тиэйиллиэхтээх эбит. Силиэстийэ быһаарыытынан, баһылык чугас аймаҕынан «КамАЗ» массыынанан таһаҕаһы тиэйиини тэрийбит. Ол эрээри, 121 тыһыынчаттан тахса суумалаах уматык ороскуота нэһилиэк дьаһалтатын бүддьүөтүттэн төлөммүт. Силиэстийэ кэмигэр буруйданааччы хоромньуну толору толуйдулар. Дакаастыыр баазаны хомуйууга туһуламмыт наадалаах силиэстийэлиир дьайыылар бары ыытыллыннылар, диэн Саха сиринээҕи Силиэстийэлиир кэмитиэтэ иһитиннэрэр.