Нэһилиэк баһылыгын боломуочуйата болдьоҕун иннинэ тохтотулунна

Чуапчы улууһун Соловьев нэһилиэгин баһылыгын боломуочуйатын болдьоҕун иннинэ тохтотор туһунан суут быһаарыыта күүһүгэр киирдэ.

Чурапчы оройуонун борокуратуурата коррупцияны утары сокуону тутуһууга бэрэбиэркэ ыытта. Ол курдук, нэһилиэк баһылыгын быраатын кэргэнэ Соловьев нэһилиэгин дьаһалтатыгар  — экэнэмииһинэн, маны таһынан, эмиэ  бииргэ төрөөбүтүн оҕото инструкторынан үлэлиирэ быһаарылынна. Баһылык сокуон ирдэбилин кэһэн, ыйыллыбыт бэрээдэгинэн тустаах иһитиннэриини биэрбэтэх. Соловьев нэһилиэгин баһылыгын  боломуочуйатын болдьоҕун иннинэ тохтотор туһунан борокуруор ирдэбилининэн суут  быһаарыы ылынна. Үрдүкү суут өрөспүүбүлүкэ борокуруорун позициятын өйүүр; бастакы инстанциялаах суут быһаарыыта уларыйбата уонна сууттанааччы үҥсүүтүн ылымматылар.   Быһаарыы сокуоннай күүһүгэр киирдэ.